متفرقات >> حلال و حرام
سوال نمبر: 603881
کسی کتاب کو بغیر خریدے پڑھنا؟
میں ایک ای بک بغیر خریدے پڑھ رہا ہوں جس سے مجھے امتحان پاس کرنے میں مدد ملے گی جبکہ اس کتاب پر حق اشاعت لگا ہے ۔ یعنی اس کتاب کو لکھنے والے کے علاوہ اگر کوی شخص ڈاؤنلوڈ کرکے (خرید کر) شیئر کرتاہے تو غیر قانونی ہے ، میرے پاس ۵۰۰روپیے نہیں ہے تاکہ میں اس کتاب کو خرید سکوں۔ اس طرح کتاب پڑھنا کیسا ہے ؟
جواب نمبر: 603881
بسم الله الرحمن الرحيم
Fatwa:678-492/sd=8/1442
صورت مسئولہ میں آپ کے لیے ای بک پڑھنے کی گنجائش ہے ، انٹرنیٹ پر جو کتابیں دستیاب ہوتی ہیں، ذاتی طور پران سے استفادہ کرنے کی دلالة و عرفا اجازت ہوتی ہے ؛ ہاں تجارتی مقصد سے کوئی کتاب چھاپنے کے لیے مالک حقوق سے اجازت ضروری ہے ۔
واللہ تعالیٰ اعلم
دارالافتاء،
دارالعلوم دیوبند