متفرقات >> حلال و حرام
سوال نمبر: 603663
سکول کے مالک کی قبل از وقت چھٹی کر دینا
میں ایک پرائمری سکول میں معلم کے فرائض سرانجام دے رہا ہوں۔ا سکول کے ہیڈماسٹر صاحب سکول کا وقت ختم ہونے سے 15 منٹ قبل روزانہ چھٹی کر دیتا ہے۔ اب اگر اس سے کہیں تو فتنے کا اندیشہ ہے۔ اب ان حالات میں میرے لیے کیا حکم ہے۔ کیا میری کمائی حلال کی ہو گی؟ اور کیا مجھے اد وقت کے پیسے سرکاری خزانے میں جمع لروانے ہوں گے؟ برائے کرم روشنی ڈالیئے۔
جواب نمبر: 603663
بسم الله الرحمن الرحيم
Fatwa : 616-489/D=08/1442
(۱) ہیڈ ماسٹر کے چھٹی کردینے کے بعد بھی آپ مکمل وقت اسکول یا کلاس میں گذار دیتے ہیں تو آپ کی آمدنی حلال ہوگی کچھ صدقہ کرنا آپ کے لئے ضروری نہ ہوگا۔
(۲) ہیڈ ماسٹر کو گاہ بگاہ سمجھادیں کہ پہلے چھٹی کرنے سے بچوں کا نقصان ہوتا ہے نیز اسکول کے مفاد اور اصول کے خلاف ہے لہٰذا ایسا نہ کریں۔
(۳) اس کی اطلاع اعلیٰ حکام کو کریں۔
واللہ تعالیٰ اعلم
دارالافتاء،
دارالعلوم دیوبند