متفرقات >> حلال و حرام
سوال نمبر: 603593
بے جان چیز کی تصویر اور ویڈیو لینا جائز ہے؟
میرا سوال یہ ہے کہ مجھے جویلری کی فوٹو لینی ہوتی ہے اور کبھی اس کا پرنٹ بھی نکالنا رہتاہے، جیسے نیکلیس ، انگوٹھی، چوڑی، اور فوٹو کھینچ کر پرنٹ نکال کر بک (کتاب) بنانا ہوتاہے، اس میں کوئی مسئلہ تو نہیں یعنی حرام یا مکروہ ہے؟
جواب نمبر: 603593
بسم الله الرحمن الرحيم
Fatwa:693-609/L=8/1442
بے جان اشیاء کی تصویر یا ویڈیو بنانے میں مضائقہ نہیں ؛ اس لیے آپ مذکورہ بالا اشیاء کی تصاویر یا ان کی ویڈیو بناسکتے ہیں اور ان کا پرنٹ بھی نکال سکتے ہیں۔
عن ابن عباس قال: سمعت رسول اللہ صلی اللہ علیہ وسلم یقول: کل مصور (ص:1275) فی النار یجعل لہ بکل صورة صورہا نفسا فیعذبہ فی جہنم . قال ابن عباس: فإن کنت لابد فاعلا فاصنع الشجر وما لا روح فیہ․ (مشکاة المصابیح 2/ 1274)
واللہ تعالیٰ اعلم
دارالافتاء،
دارالعلوم دیوبند