متعلقہ سوالات

میں سعودی عرب میں ایک کمپنی میں کام کرتا تھا۔ پھر دوسری نوکری یمن میں ملنے کی وجہ سے بغیر کمپنی کو بتائے میں سعودی عرب سے آگیا (یعنی استعفیٰ نہیں کیا چھٹی پر آکر واپس نہیں گیا)۔ میں نے نوکری کے جس معاہدہ پر دستخط کیا ہے اس میں لکھا ہے کہ اگر میں بغیر نوٹس دئے ہوئے نوکری چھوڑوں گا تو مجھے ایک تنخواہ جو کہ سات ہزار ریال ہے دینا ہوگی۔لیکن میں نے کمپنی سے بات کی اور انھیں کہا کہ مجھے او رمیری فیملی کا تم لوگوں نے ٹکٹ نہیں دیا اور منافع بھی نہیں دیا اس لیے میں پوری تنخواہ نہیں دوں گا بلکہ صرف تین ہزار ریال دوں گا۔ اس پر وہ لوگ راضی ہوگئے ۔ (شاید ان کے پاس اس کے سوا کوئی چارہ نہیں تھا)۔ میں نے اپنے دوست سے کہا جو کہ اسی کمپنی میں کام کرتے ہیں کہ تم انھیں تین ہزار ریال دے دو او رمیں تمہیں یہاں پر اس کے برابر رقم دے دوں گا۔ لیکن وہ بہت ضد اور اصرار کے ساتھ یہ کہنے لگے کہ کمپنی نے بہت سے ملازمین کا پیسہ نہیں دیا ہے اس لیے تم بھی ان کو واپس مت کرو۔ اگر ایسا ہی ہے تو تم وہ پیسے کسی غریب کو دے دو۔ آپ بتائیں میں کیا کروں؟

میں ایک سرکاری اسکول میں ہیڈ ماسٹر ہوں۔ اسکول میں کمرہ بنوانے کے لیے کچھ رقم آتی ہے اسی رقم میں اس کو پورا کرنا ہوتا ہے، رقم گھٹنے پر سرکار ذمہ دار نہیں ہوتی ہے۔ جب کہ ٹھیک کسی کو معلوم نہیں کہ کتنا صرفہ آئے گا۔ تو مہنگائی کودیکھتے ہوئے اگر سامان کم نہ کیا جائے تو کمرہ پورا ہونا ممکن نہیں،کیوں کہ تخمینہ جوبن کر آتا ہے اس میں سامان کا دام مثلاً سریا کا دام 24/روپیہ فی کلو لکھا ہے اورمارکیٹ میں اس کی قیمت 45/روپیہ فی کلو ہے تو لامحالہ سریا کم کریں گے تبھی پورا ہوگا۔ ایسی صورت میں اندازے سے ہی بنوانا پڑتاہے کیوں کہ رقم گھٹنے پر سرکار ذمہ دار نہیں ہوتی ہے۔ تو بڑھنے پر رقم لینا جائز ہے یا نہیں؟ اگر نہیں تو اس رقم کو کیا کیا جائے، مطلع فرمائیں؟

اگر کسی لڑکی کے ساتھ کوئی شخص زیادتی یا پھر زنا وغیرہ کرنے کی کوشش کررہا ہو اور وہ لڑکی مدد کے لیے پکار رہی ہو تو کیا پاس والے لوگوں کو اس کی مدد کرنا فرض ہوگا؟ (۲)اور اگر اس کو بچانے کے چکر میں اگر جان کا خطرہ ہو تو پھر بھی اس کو بچانا ضروری ہوگا؟ (۳)اگراس کو بچانے والا شخص مر جائے تو کیا وہ شہید کہلائے گا؟

بے دلی سے پڑھانے پر تنخواہ کا کیا حکم ہے؟

میں ایک جی پی ڈاکٹر ہوں، یہاں ممبئی میں پریکٹس کرتاہوں، عموماً ہم لوگ جب علاج کرنا ہمارے بس سے باہر ہوتاہے یا آپریشن وغیرہ کی نوبت آتی ہے تو ہم لوگ مریضوں کو کسی بڑے ڈاکٹر یا ہاسپٹل یا نرسنگ ہوم کو ریفر کردیتے ہیں۔ اس کے بعد یہاں ایک رواج یہ ہے کہ جس ڈاکٹر سے وہ مریض علاج کرواتاہے وہ ہم کو تیس سے پچیس فیصد کا کمیشن دیتاہے، یہاں پر یہ بات بہت عام ہے۔اکثریت ڈاکٹروں کی یہ کمیشن لیتی ہے جس کو عام زبان میں کٹ کہتے ہیں۔ اس کے متعلق تفصیل سے بتائیں کیا یہ رقم جائز ہے؟ کچھ لوگوں نے کچھ حالت میں اس کو درست قرار دیا ہے، لیکن دل مطمئن نہیں ہے۔ برائے کرم مفصل جواب ارسال فرماکر مشکور فرمائیں۔

میں نے کچھ عرصہ پہلے کچھ خریدا اللہ کی راہ میں مسجد کے لیے جب میں وہ چیز لینے گیا تو میرے پاس پیسے کم پڑگئے او رمیرے پاس باقی جو پیسے تھے وہ حلال نہیں تھے۔ نہ چاہتے ہوئے بھی مجھے اس میں سے اس چیز کے لیے غلط پیسے خرچ کرنے پڑے۔ اب مجھے کیا کرنا ہوگا کہ وہ چیز پاک ہوجائے؟ میں نے اس چیز میں 160روپیہ غلط والے خرچ کئے تھے اور صحیح والے پانچ سو خرچ کئے۔ کیا مجھے یہ ایک سو ساٹھ روپیہ دوبارہ دینے ہوں گے صحیح طریقہ سے یا او رکچھ کرنا ہوگا؟مجھے اس کا حل بتائیں میں بہت پریشان ہوں، مجھے ایسے میں کیا کرنا چاہیے؟

میں یہ جاننا چاہتا ہوں کہ مذہب اسلام میں کسی لڑکی سے محبت کرنا جائز ہے یا نہیں؟