متفرقات >> حلال و حرام
سوال نمبر: 601616
ایک کاریگر کی ڈیزائن دوسرے سے بنوانا
علماء دین اور مفتیان شرح متین مسئلہ ذیل کے بارے میں آپ کی کیا رائے ہے بات یہ ہے کہ ہم دبئی شارجہ میں رہتے ہیں اور ہماری خیاط کی دکان ہے ہمارا کام یہ ہے کہ ہماری دکان پر کاریگر اپنی ڈیزائن کپڑے پر بنا کر لاتے ہیں اور ہم اس ڈیزائن کو کسٹمر کو دکھا تے ہیں اور کسٹمر جس ڈیزائن کو پسند کرتی ہیں ہم وہ کسٹمر کے دیئے ہوئے کپڑے پر بنواتے ہیں عرض یہ ہے کہ کچھ ڈیزائن جو ایک دوسرے کاریگر کی ہوتی ہے ہم اس کو کسی اور کاریگر سے بنواتے ہیں کبھی ایسا ہوتا ہے کہ وہ کاریگر اپنا ہوتا ہے اور کبھی یہ ہوتا ہے کہ وہ کم پیسوں میں بناتا ہے تو یہ ہمارا ایک کی ڈیزائن دوسرے سے بنوانا کیسا ہے اور اس چیز کو ہم اس کاریگر سے چھپاتے بھی ہیں اور کاریگر ہماری دکان پر آکر پوچھتے بھی ہیں کہ بھائی کام آیا کچھ، اور ہمیں چھوٹ بولنا پڑتا ہے،تو اب اگر اپنی خود کی دکان ہو ایسا کرنا یا اگر کسی دوسرے کی دکان پر نوکری کر رہے ہیں اور مالک ایسا کرنے کو کہے تو یہ نوکری کرنا کیسا ہے؟
جواب نمبر: 601616
بسم الله الرحمن الرحيم
Fatwa : 397-304/H=05/1442
جو کاریگر آپ کو کام دے کر گیا اور آپ نے اس کو لے کر رکھ لیا تو ایک درجہ میں یہ معاہدہ ہوگیا کہ اس کام پر ڈیزائن بنانے کا کام آپ (کاریگر) کو ہی دیا جائے گا اس سے چھپا کر دوسرے آدمی کو کام دینا یا کم پیسوں میں دوسرے سے کام کرانا اور جھوٹ بولنا جائزنہیں اگر دوسرے کسی شخص کی دوکان پر نوکری کرنے میں ایسا کام کریں گے خواہ مالک کے کہنے پر یا ازخود تب بھی ایسا کرنا جائز نہیں۔
واللہ تعالیٰ اعلم
دارالافتاء،
دارالعلوم دیوبند