عنوان:

میڈیکل انشورنس پالیسی لینا

سوال:

میں اکثر بیمار رہتا ہوں جس کی وجہ سے علاج میں کافی پیسے خرچ ہوتے ہیں اتنے پیسے کا انتظام کرپانا میرے لئے کافی مشکل ہوتا ہے ، اس لئے میرے معالج ڈاکٹر نے مجھے میڈکل انشورنس بنانے کا مشورہ دیا ہے کیا میں ڈاکٹر کے مشورے کے مطابق میڈیکل انشورنس بنوا سکتا ہوں،جبکہ مڈیکل انشورنس بنانے میں پانچ یا چھ ہزار روپئے لگ رہے ہیں جس کے بدلے میں پانچ لاکھ تک کا فائدہ اٹھایا جا سکتا ہے ۔برائے مہربانی جواب ارسال فرما کر شکریہ کا موقع عنایت فرمائیں۔

جواب نمبر: 60132508-Dec-2020 : تاریخ اشاعت

بسم الله الرحمن الرحيم

Fatwa:270-185/sn=4/1442

 میڈیکل انشورنس سود اور قمار پر مشتمل ہوتا ہے اور یہ دونوں چیزیں ان بڑے محرمات میں سے ہیں جن پر قرآن وحدیث میں سخت وعیدیں آئی ہیں؛ اس لیے میڈیکل انشورنس پالیسی لے کر علاج کرانا شرعا جائز نہیں ہے ،آپ مباح طریقے پر جتنا علاج بہ سہولت کراسکیں کرائیں؛ باقی اللہ پر بھروسہ کریں اور خصوصی دعاؤں کا اہتمام کریں۔ اللہ آپ کو ہمیشہ صحت وتندرستی کے ساتھ رکھے ۔

قال اللہ تعالی: یَا أَیُّہَا الَّذِینَ آمَنُوا إِنَّمَا الْخَمْرُ وَالْمَیْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّیْطَانِ فَاجْتَنِبُوہُ لَعَلَّکُمْ تُفْلِحُونَ․ (المائدة:90)