متعلقہ سوالات

پاکستان میں فون کمپنیاں اپنے گراہکوں کو پری پیڈ بیلنس کی شکل میں پندرہ روپیہ کا قرض مہیا کراتی ہیں، اور وہ کمپنیاں پندرہ روپیہ ساٹھ پیسہ واپس لیتی ہیں۔ وہ کہتی ہیں کہ جو زائدساٹھ پیسہ لگا ہے وہ لون سروس مہیاکرانے کا سروس چارج ہے۔ میرا سوال یہ ہے کہ کیا یہ ساٹھ پیسہ کا زائد چارج سود مانا جائے گا یا نہیں؟

میں ایک فاسٹ فوڈ ایم این سی کمپنی میں جس کی انڈیا میں تقریباً ایک سو تیس برانچیں ہیں کام کررہا ہوں۔ میں نے اس کمپنی کو چار سال پہلے سعودی عربیہ سے واپس آنے کے بعد جوائن کیا ہے۔میں یہ جاننا چاہتاہوں کہ میری کمپنی کچھ علاقوں میں سور (حرام) گوشت فروخت کررہی ہے ، نیز پہلے یہ دہلی میں بھی دستیاب تھا لیکن اب انھوں نے اس کو بند کردیا ہے۔ برائے کرم آپ مجھ کو بتائیں کہ کیا میری تنخواہ حلال ہے جو کہ مجھ کو میرے فرینچائزی (یعنی جس کو کمپنی کی طرف سے اس کی اشیاء کو فروخت کرنے کی اجازت ملی ہوئی ہے)سے مل رہی ہے، واضح رہے کہ مجھ کو براہ راست کمپنی کی آفس امریکہ سے تنخواہ نہیں مل رہی ہے۔برائے کرم آپ میرے شبہ کو دور کردیں کہ کیا مجھ کو یہاں کی نوکری جاری رکھنا چاہیے یا مجھ کو یہ نوکری تبدیل کردینا چاہیے؟

میرے ایک دوست ہیں جو سعودی عرب میں رہتے ہیں اور ویزا کا کاروبار کرتے ہیں۔ اس کی شکل یہ ہے کہ سعودی حضرات دوہزار سعودی ریال حکومت کی فیس جمع کرکے ویزا لیتے ہیں اور زید کو چار ہزار ریال میں بیچتے ہیں۔ زید اس کو انڈیا میں آٹھ ہزار سعودی ریال میں بیچتا ہے۔ جب کہ میں نے ایک سعودی عرب کے اخبار میں پڑھا ہے کہ سعودی عرب کے علماء نے متفقہ طور پر ویزا کے کاروبار کو حرام قرار دیا ہے۔ علماء کا کہنا ہے کہ ویزا حکومت کی ملکیت ہے اور سعودی حکومت نے اس کی تجارت سے منع کیا ہے۔ برائے کرم مجھے بتائیں کہ کیا زید کے لیے یا زید نے انڈیا میں کسی ایجنٹ کو منافع رکھ کر بیچا تو اس ایجنٹ کے لیے جائز ہے؟

ایک عورت ڈاکٹر جو کہ ایک اسپتال میں کام کرتی ہے میرے گھر عربی پڑھنے کے لیے آتی ہے۔ میں اس کو اس بات کی ترغیب دیتی ہوں کہ وہ اس ماحول سے بچنے کے لیے گھر پر پریکٹس کرے ، خاص طور پر ایک دوسرے سے اختلاط سے بچنے کے لیے۔ میں نے اس کو اس فتوی کے بارے میں بتایا جس میں مولانا اشرف علی تھانوی رحمة اللہ علیہ نے ایک مرد ڈاکٹر سے فرمایاتھاکہ: اللہ کی عبادت کرو اور اپنی نگاہوں اور دل کی حفاظت کرو۔ اب اس کا(عورت داکٹر)کا کہنا ہے کہ اگر وہ گھر پر سرجری کرے گی تو مرد مریض بھی آئیں گے جن کو وہ منع نہیں کرسکتی ہے۔ اس صورت میں بات وہی رہے گی۔ لہٰذا ، کیا وہ مفتی تقی عثمانی صاحب کی تقریر (یعنی صرف اپنی نگاہوں کو نیچی رکھنا اور اپنا کام جاری رکھنا) کے مطابق عمل کرے یا کیاکرے؟