• متفرقات >> حلال و حرام

    سوال نمبر: 43594

    عنوان: اجازت بغیر کتابوں کو ڈاؤن لوڈ کرنا اور پڑھنا درست ہے؟

    سوال: انٹرنیٹ میں بہت سی کتابیں موجود ہیں جسے ڈاؤن لون کی جاسکتی ہیں اور لوگ اسے دیکھ سکتے ہیں ، ان میں مشہو دیوبندی علماء کی بھی کتابیں ہوتی ہیں۔ میں یہ جاننا چاہتاہوں کہ مصنف کی اجازت بغیر ان کتابوں کو ڈاؤن لوڈ کرنا اور پڑھنا درست ہے؟

    جواب نمبر: 43594

    بسم الله الرحمن الرحيم

    فتوی: 366-366/M=3/1434 انٹرنیٹ پر اگر اِس مقصد سے کتابیں ڈالی گئی ہیں کہ لوگ اسے پڑھیں اور استفادہ کریں (اور بالعموم یہی مقصد بھی ہوتا ہے) تو اسے پڑھنا اور ڈاوٴن لوڈ کرنا درست ہے، اس میں مصنف سے اجازت کی ضرورت نہیں۔


    واللہ تعالیٰ اعلم


    دارالافتاء،
    دارالعلوم دیوبند