عنوان: قربانی سے متعلق

سوال: کسی شخص نے اس نیت سے ذی الحجہ کا چاند دیکھ کر اپنا شیو نہیں بنوایا کہ قربانی کرنے کے بعد بنواوٴں گا، اس کا یہ عمل کیسا ہے؟ برائے کرم تفصیل سے جواب ارسال فرمائیں، عنایت ہوگی۔

جواب نمبر: 3567701-Sep-2020 : تاریخ اشاعت

بسم الله الرحمن الرحيم

فتوی(م): 1905=1905-1/1433 شیو بنوانا یعنی ڈاڑھی منڈانا اور صاف کرانا شریعت میں حرام وناجائز ہے، اس کا ذی الحجہ کے چاند سے کوئی تعلق نہیں یہ عمل ہرحال میں ناجائز ہے، ایک مشت ڈاڑھی رکھنا واجب ہے، ہاں جو شخص قربانی کرنے کا ارادہ رکھتا ہے، اس کے لیے مستحب یہ ہے کہ سر کے بال، بغل کے بال اور ناخن وغیرہ ذی الحجہ کا چاند دیکھنے کے بعد سے قربانی کرنے تک نہ کاٹے، اس میں ڈاڑھی شامل نہیں، حدیث میں ڈاڑھی بڑھانے کی تاکید آئی ہے۔