متفرقات >> حلال و حرام
سوال نمبر: 35520
جواب نمبر: 35520
بسم الله الرحمن الرحيم
فتوی(م): 1926=1926-1/1433 بریلوی حضرات اس بارے میں حضرت گنگوہی کے متعلق غلط پروپیگنڈہ کرتے ہیں اور بلاوجہ تشکیک پیدا کرتے ہیں، حضرت گنگوہی نے کوے کی حلت کے بارے میں وہی لکھا ہے جو ان سے پیشتر بہت سے حنفی فقہائے کرام لکھتے آئے ہیں، یعنی جو کوا دانہ، اناج اور اس جیسی صاف اور مباح چیزیں کھاتا ہے، نجس اور مردار نہیں کھاتا وہ بالاتفاق حلال ہے، دیکھئے ہندیہ میں ہے: الغراب الذي یأکل الحب والزرع ونحوہا حلال بالإجماع (ہندیة: ۵/۲۸۹) اسی طرح درمختار مع الشامی، کنز البیان، قدوری، شرح وقایہ، بدائع، ہدایہ وغیرہا مختلف کتب فقہ وفتاویٰ میں یہ مسئلہ اسی طرح مصرح ہے۔ آپ بریلویوں سے ان حوالوں کا جواب طلب کیجیے۔
واللہ تعالیٰ اعلم
دارالافتاء،
دارالعلوم دیوبند