• متفرقات >> حلال و حرام

    سوال نمبر: 35140

    عنوان: اسلام میں مشت زنی کا کیا حکم ہے؟اس کی سزا کیا ہے؟اور اس سے نجات پانے کاطریقہ کیا ہے؟ براہ کرم، جواب دیں۔

    سوال: اسلام میں مشت زنی کا کیا حکم ہے؟اس کی سزا کیا ہے؟اور اس سے نجات پانے کاطریقہ کیا ہے؟ براہ کرم، جواب دیں۔

    جواب نمبر: 35140

    بسم الله الرحمن الرحيم

    فتوی(د): 1920=1154-11/1432 اسلام میں مشت زنی ناجائز اور گناہ ہے، صحت کے لیے سخت مضر ہے۔ سزا ان جرائم پر مقرر ہوتی ہے جو علانیہ ہوں یا معائنةً آدمیوں نے اسے دیکھ لیا ہو، اس پر شہادت قائم ہوجائے، اگر مشت زنی کی عادت ہوگئی ہو اور وہ ایسی حرکت کرتے پکڑا گیا ہو تو حاکم وقت کی طرف سے اس کی تعزیر (اس کے حسب حال سزا) کی جائے گی۔ چونکہ یہ گناہ بھی ہے، اس لیے پختہ ارادہ اور ہمت کرکے اسے ترک کرنا چاہیے، اللہ تعالیٰ سے توبہ استغفار کرنا چاہیے، آئندہ نہ کرنے کا عہد کرنا چاہیے۔


    واللہ تعالیٰ اعلم


    دارالافتاء،
    دارالعلوم دیوبند