متعلقہ سوالات

میں نے اس آمدنی کے متعلق سوال کیا تھا جو کہ اس سرٹیفیکٹ کے ذریعے حاصل کی جاتی ہے جو کہ مردوں کے لیے بنائی جاتی ہے تاکہ اس کو جلایا جاسکے۔ اس کا جواب دارالعلوم دیوبند کی ویب سائٹ پر دیا جاچکا ہے۔میں اس ضمن میں مزید کچھ معلومات فراہم کررہا ہوں۔ دراصل انگلینڈ میں ڈاکٹر لوگ دو طرح کا سرٹیفیکٹ جاری کرتے ہیں ایک موت کا سرٹیفیکٹ جو موت کے بارے میں ہوتا ہے، اور دوسرا سرٹیفیکٹ وہ ہے جو اس وقت دیا جاتا ہے جب متوفی کے رشتہ دار وغیرہ لاش کو جلانا چاہتے ہیں۔ چونکہ انگلینڈ میں زیادہ تر لوگ اپنے رشتہ داروں کوجلا دیتے ہیں اس لیے کہ جلانے میں دفن کرنے کے مقابل کم خرچ آتا ہے ۔اور کبھی ایسا بھی ہوتا ہے کہ کوئی آدمی دفن کرنے کے بجائے اپنے جلانے کی وصیت بھی کرجاتا ہے۔ مردے کو دفن کرنے یا جلانے کی شفارش کرنا ڈاکٹروں کی ڈیوٹی میں نہیں آتا ہے، تاہم جب کوئی مردہ کو جلانا چاہتا ہے تو ڈاکٹر وں کو چند چیزیں ایک الگ شکل میں(عام موت سرٹیفکٹ کے علاوہ)یقینی بناناہوتا ہے۔ یہ زائد چیزیں عام طور یہ بتاتی ہیں کہ موت مشکوک نہیں تھی، اور پوسٹ مارٹم کی ضرورت نہیں تھی اور یہ کہ مردہ محفوظ ہے مثال کے طور پربدن میں کوئی مصنوعی جوڑ نہیں ہے جس کو مردہ کو جلانے سے پہلے الگ کرنے کی ضرورت ہوتی ہے۔ جب ڈاکٹر لوگ یہ خاص سرٹیفیکٹ جاری کرتے ہیں تو ان کو اس کا معاوضہ ملتا ہے۔ کیا یہ آمدنی اسلام کی رو سے جائز ہے؟ میرے تجربے کے مطابق میں نے لندن میں صرف غیر مسلموں کو اپنے رشتہ داروں کو جلاتے ہوئے دیکھا ہے، اور میں نے کبھی بھی کسی مسلمان کو اس سرٹیفکٹ کو بنواتے ہوئے نہیں دیکھا ہے۔

میں ایک پرائیویٹ تنظیم میں ملازم ہوں، میرے ادارے نے ملازمین کو میڈیکل کی سہولت دی ہے، اس کے لیے انھوں نے یہ کیا ہے کہ ایک انشورنس کمپنی سے تمام ملازمین کا میڈیکل انشورنس کردیا ہے۔ اور اس کی سالانہ قسط کمپنی ادا کرتی ہے۔ اس سارے عمل میں ملازم سے کسی قسم کی کٹوتی نہیں ہوتی ہے اور نہ ہی ہماری تنخواہ سے کٹوتی ہوتی ہے، یعنی ملازمین کو براہ راست انشورنس کمپنی سے کوئی تعلق نہیں۔ تو میں یہ پوچھنا چاہتاہوں کہ کیا میں یہ سہولت حاصل کرسکتا ہوں ؟قرآن اور حدیث کی روشنی میں ذرا تفصیل سے بتادیں ۔

ابھی کچھ دنوں پہلے میں باتھ روم میں نیچے کے بال صاف کررہا تھا تو اچانک میری انگلی بلیڈ سے کٹ گئی اورمجھے بہت تکلیف ہوئی۔ میں نے بہت مشکل سے اپنی آواز دبالی تاکہ گھر والے کچھ غلط نہ سمجھیں۔ میرے الٹے ہاتھ کی پہلی انگلی کٹ گئی تھی۔ خیر میں جیسے تیسے کر کے باہر آیا اور سیدھا اپنے گھر کے باہر گیلری میں چلا گیا ۔ میں نے سوچا کہیں گھروالے میرے ہاتھ کو دیکھیں گے تو پوچھیں گے کہ کیسے لگی تو میں شرمندہ ہوکر کیا جواب دوں گا۔ میں باہر آیا اورمیں نے زور سے چیخ نکالی اور کہا کہ باہر فلاں جگہ سے میری یہ انگلی کٹ ہو گئی۔ مجھے یہ معلوم کرنا ہے کہ کیا اس جھوٹ کا بھی گناہ ہوگا؟ (۲) میں روز تقریباً پچیس لوگوں کو حدیث شریف بھیجتا ہوں بس میرے پاس آتی ہیں اور میں آگے بڑھا دیتا ہوں ۔ جب کہ میں خود پوری طرح سے عمل نہیں کرتا، لیکن میں کوشش ضرور کرتا ہوں اس پر عمل کرنے کی۔تو کیا میں نبی کریم صلی اللہ علیہ وسلم کے ارشاد آگے پہنچانا چھوڑ دوں؟