متفرقات >> حلال و حرام
سوال نمبر: 20965
اگر کسی کو پولیس پکڑ لے اور اس کی فیملی سے اسے چھوڑ نے کے بدلہ پانچ ہزار مانگے اور میں اپنے تعلق کی بنیاد پر اس سے دوہزار لے کر پندرہ سو پولیس والے کو دے دوں او رپانچ سو خود رکھ لوں تو کیا وہ پانچ سو میرے لیے حلال ہوں گے جب کہ اس آدمی کو نہیں پتہ کہ وہ پانچ سو میں نے رکھ لئے ہیں اور پندرہ سو پولیس کو دئے ہیں؟
اگر کسی کو پولیس پکڑ لے اور اس کی فیملی سے اسے چھوڑ نے کے بدلہ پانچ ہزار مانگے اور میں اپنے تعلق کی بنیاد پر اس سے دوہزار لے کر پندرہ سو پولیس والے کو دے دوں او رپانچ سو خود رکھ لوں تو کیا وہ پانچ سو میرے لیے حلال ہوں گے جب کہ اس آدمی کو نہیں پتہ کہ وہ پانچ سو میں نے رکھ لئے ہیں اور پندرہ سو پولیس کو دئے ہیں؟
جواب نمبر: 20965
بسم الله الرحمن الرحيم
فتوی(د): 519=393-4/1431
اگر آپ نے معاملہ رفع دفع کرانے کا دوہزار لیا۔ یا آپ اس طرح کا کام پیسے لے کر کرادیتے ہیں لوگوں کو معلوم ہے تو پانچ سو رکھنے کی آپ کے لیے گنجائش ہے، اور اگر آپ نے پولیس والوں کو دینے کے لیے روپئے لیے ہیں تو پانچ سو جو بچ گئے وہ صاحب معاملہ کو واپس کردیں بغیر اس کی اجازت کے آپ کے لیے رکھنا جائز نہیں۔
واللہ تعالیٰ اعلم
دارالافتاء،
دارالعلوم دیوبند