متفرقات >> حلال و حرام
سوال نمبر: 17012
میں
ایک لڑکی سے چار سال سے پیار کرتاہوں اور ہم دونوں شادی کرنا چاہتے ہیں، لیکن لڑکی
کے ڈیڈی کا سٹہ اور جوئے کا کام ہے اگر میں اس لڑکی سے شادی کرتاہوں تو جب وہ مجھے
شادی میں جہیز اور نقد دیں گے تو اگر میں اس جہیز کو اور نقد کو استعمال کروں گا
تو گناہ ملے گا کیا؟
میں
ایک لڑکی سے چار سال سے پیار کرتاہوں اور ہم دونوں شادی کرنا چاہتے ہیں، لیکن لڑکی
کے ڈیڈی کا سٹہ اور جوئے کا کام ہے اگر میں اس لڑکی سے شادی کرتاہوں تو جب وہ مجھے
شادی میں جہیز اور نقد دیں گے تو اگر میں اس جہیز کو اور نقد کو استعمال کروں گا
تو گناہ ملے گا کیا؟
جواب نمبر: 17012
بسم الله الرحمن الرحيم
فتوی(د):2005=1594-11/1430
اجنبیہ لڑکی سے پیار محبت کا تعلق رکھنا حرام ہے۔ لڑکی کے ڈیڈی کی ٹوٹل آمدنی سٹہ اورجوے کی ہے، اس کے علاوہ اور کوئی ذریعہ آمدنی نہیں ہے تب تو آپ ان سے صاف طور پر منع کردیں کہ ہم کسی قسم کا کوئی سامان نہیں لیں گے، اور بالکل سادے طریقہ پر نکاح کرلیجیے، اوراگر مخلوط آمدنی ہے تو بھی جہیز کا مروجہ طریقہ غلط ہے، آپ منع کردیں کہ اس کی ضرورت نہیں ہے، البتہ جو ضروری سامان تھوڑا بہت لڑکی کو اپنی خوشی سے دیں جس میں ریا نمود تفاخر وغیرہ نہ ہو، تو مخلوط آمدنی کی صورت میں اس کے لینے کی گنجائش ہے۔
واللہ تعالیٰ اعلم
دارالافتاء،
دارالعلوم دیوبند