متعلقہ سوالات

میرے والد صاحب عمر کے حساب سے تقریباً پچاسی سال کے ہوں گے۔ ان کو چوبیس سال سے گھٹنوں کے جوڑوں کا درد ہے۔ تکلیف کی وجہ سے چلنا پھرنا مشکل سے ہوتاہے۔ کچھ سال سے غدود مثانہ کی شکایت بھی ہوگئی ہے۔بلڈ پریشر بھی بڑھ گیا ہے۔پیشاب اور پائخانہ کا کنٹرول بہت کم ہوگیا ہے اکثر نکل جاتا ہے۔ اس لیے خاص طور سے رات کو ڈائپر پہنتے ہیں، تاکہ بار بار واش روم نہ جانا پڑے۔ ایسی صورت میں ہم ان کو نماز اور دوسری عبادت کا خیال تو دلاتے ہیں لیکن بظاہر مشکل لگتا ہے۔ آج کل بڑے بھائی کے پاس سعودی عربیہ گئے ہوئے ہیں۔ وہاں امی کے ساتھ عمرہ کے لیے لے جانا چاہتے ہیں لیکن ابو کی حالت اور واش روم لانا لے جانا ناپاکی کا مسئلہ ہے۔ کپڑے دن میں کئی بار خراب ہوتے ہیں۔ (۱)معلوم یہ کرنا ہے کہ ان کو عمرہ ڈائپر میں کراسکتے ہیں۔ کوشش ان کی یہ ہو کہ زیادہ وقت تک پاک رہیں۔ اگر نہ رہ سکیں او رحرم میں ہوں او رارکان باقی ہوں تو کیا کریں؟ ...

میں ایک جوان ہوں اور پچھلے سال حج کرکے آیا ہوں ۔میرے ساتھ میرے والد، والدہ اوردیگر گھر والے تھے۔ ہمارے ساتھ مجھ سمیت تین جوان تھے۔میرے والد کی طبیعت پاکستان میں ٹھیک تھی لیکن وہاں حج کے دوران ان کی طبیعت خراب ہو گئی۔ ان کا ذہن صحیح کام نہیں کررہا تھا اوران کی آواز یں آنے لگیں جس کی وجہ سے وہ کچھ بہکی بہکی باتیں کرنے لگے۔ میں نے اپنی طرف سے سنبھالنے کی پوری کوشش کری۔ اس دوران حج کے ایام میں عرفات سے مزدلفہ آئے اوروہاں نماز ادا کرکے کچھ کنکریاں جمع کی اور باقی ذمہ داری بھائی کی لگا دی۔ میں، والد، والدہ، بھابھی، ماموں، او رممانی منی آگئے اور بھائی اور کزن مزدلفہ میں رک گئے۔ اب یہ بتائیں کہ ہمارے اوپر کچھ گناہ تو نہیں ہوا؟ اگر حج میں کچھ فرق پڑا ہے تو اس کا کفارہ ادا کرنے کا طریقہ بتادیں؟ (۲) طواف زیارت کے لیے ہم حرم آئے تو وہاں ہم نے پہلے خود طواف کیا اور بعد میں والد صاحب کو کروایا ۔اس دوران ہمیں دیر ہوگئی اور رات کو لوٹے تودیر ہوگئی تھی باقی لوگوں کو جمرہ پر ٹھہراکر میں اپنے خیمہ پر گیا اس دوران کزن نے تو اپنی کنکریاں کسی سے لے کر مار لی کیوں کہ وقت صبح کا ہونے والا تھا۔ لیکن میں اپنی، والد اور والدہ کی کنکریاں لے کر اور مار کر ان کو ڈھونڈھنے لگا لیکن وہ نہیں ملے۔ اب شک ہے کہ وہ کون سا وقت تھاکیوں کہ اذان بھی سنائی دی لیکن وہاں تہجد کی بھی اذان ہوتی ہے۔ آپ ہمارے لیے دعا کریں او راگر اس میں کوئی کمی ہے تواس کو دور کرنے کا حل بتادیں ،بڑی نوازش ہوگی۔

میں اور میرے شوہر او رہماری دو سال کی بیٹی حج کرنا چاہتے ہیں پر اتنے اخراجات نہ ہونے سے ہماری خواہش پوری نہیں ہوسکتی۔ لہذا آپ سے گزارش ہے کہ آپ ہمارے لیے خصوصی طور پر دعا کریں او رہمیں گوئی عمل بتائیں جس سے ہم لوگ حج کرسکیں؟

کیا عمرہ کے ویزا پر حج کرنا جائز ہے جب کہ سعودی میں عمرہ کرنے والے غیر قانونی شمار کئے جاتے ہیں مدت ختم ہونے کے بعد ویزا کی؟

حج کمیٹی کے ذریعہ سے حج ادا کرنے جانا جس میں حکومت کرایہ پر انڈیا کے مسلمانوں کو سبسڈی دیتی ہے درست ہے؟ کیوں کہ حکومت جو خرچ ادا کرتی ہے وہ مسلمانوں کو سہولت دینے کے لیے ہوتا ہے اور دوسری بات کہ جو پیسہ سبسڈی میں دیا جاتاہے وہ سود کا ہوسکتا ہے۔ اس لیے برائے کرم وضاحت فرماویں کہ کیایہ اسلامی نقطہ نظر سے جائز ہے یا نہیں؟

اگر کوئی عورت حج کے دوران حیض سے پاک نہیں ہے اور طواف زیارت نہیں کیا ہے،تبھی اس کی واپسی کا وقت (پہلے سے متعینہ فلائٹ) آجاتا ہے۔ تو ا س کو بلا طواف زیارت ادا کئے ہوئے مکہ (سعودی عربیہ) چھوڑنے کا کیا طریقہ ہے؟ فلائٹ کا وقت بدلا نہیں جاسکتا ہے۔