عبادات >> حج وعمرہ
سوال نمبر: 26079
جواب نمبر: 26079
بسم الله الرحمن الرحيم
فتوی(ب): 1752=1383-10/1431
حج کا مہینہ شوال سے ہی شروع ہوجاتا ہے اور دس ذی الحجہ تک رہتا ہے۔ اگر آپ نے شوال میں عمرہ کرلیا اور پھر وہیں مکہ مکرمہ میں مقیم رہیں تو حج کا وقت آنے پر حج کا احرام باندھ لینا کافی ہے، آپ کا پہلا والا عمرہ تمتع میں شمار ہوجائے گا۔ اوراگر آپ نے عمرہ کرکے مکہ مکرمہ میں قیام نہیں کیا اور سفر کرکے اپنے مسکن پر پہنچ گئیں تو آپ کا یہ عمرہ تمتع میں داخل نہ ہوگا۔ آپ جب حج کے لیے سفر کرکے آئیں گی تو پہلے عمرہ کریں گی، اس کے بعد حج کریں گی، یعنی نئے سرے سے دوبارہ آپ کو عمرہ کرنا ہوگا۔
واللہ تعالیٰ اعلم
دارالافتاء،
دارالعلوم دیوبند