عنوان: اپنے سسر کی جانب سے بیوی کی ذاتی رقم سے حج بدل کرنا

سوال: میں ہمارے سسر کی جانب سے حج بدل اپنی بیوی کے پیسوں سے کرنا چاہتاہوں، مسئلہ یہ ہے کہ مرحوم نے حج بدل کی وصیت کی تھی، ان کی بیٹی اپنے ذاتی خرچ سے اپنے والد کی طرف سے حج کرانا چاہتی ہے تو کیا حج بدل ہوجائے گا؟ اگر یہ حج بدل ہے تو اسے کیسے کرنا چاہئے؟( یعنی افراد یا قران یا تمتع)

جواب نمبر: 17270601-Sep-2020 : تاریخ اشاعت

بسم الله الرحمن الرحيم

Fatwa:1119-965/sd=12/1440

جی ہاں ! آپ اپنے سسر کی جانب سے بیوی کی ذاتی رقم سے حج بدل کرسکتے ہیں اور بہتر یہ ہے کہ آپ حج افراد کریں اور تمتع کی بھی گنجائش ہے؛ لیکن دم تمتع اپنی طرف سے دینا ہوگا، اور حج بدل کا طریقہ وہی ہے جس طرح عام حج کیا جاتا ہے، بس احرام باندھتے وقت آپ سسر کی جانب سے احرام باندھنے کی نیت کریں اور اتنی نیت کافی ہے کہ میں سسر کی طرف سے حج کررہا ہوں، احرام باندھنے کے بعد حج کے ہر ہر فعل یا رکن پر مستقل نیت کی ضرورت نہیں ہے، واضح رہے کہ اگرآپ پر خود حج فرض ہے اور آپ نے پہلے حج نہیں کیا ہے، تو پہلے اپنا فرض حج اداء کرنا ضروری ہے، فرض حج چھوڑ کر حج بدل کرنا مکروہ تحریمی ہوگا ۔