عبادات >> حج وعمرہ
سوال نمبر: 1635
حج کے فضائل اور ماثور دعاوٴں سے متعلق کتابیں گھر میں سب کو مطالعہ کے لیے دی جاسکتی ہیں
میرے ایک عزیز حج سے واپسی پر وہاں سے تقسیم ہونے ولی چند کتابیں لائے ہیں ۔ کیا وہ کتابیں گھر میں سب کو مطالعہ کے لیے دی جاسکتی ہیں؟ نیز سعودی کی کتابیں پاکستان میں منگا نے کا کیا طریقہ ہے؟
جواب نمبر: 1635
بسم الله الرحمن الرحيم
فتوی: 534/ م= 537/ م
حج کے فضائل اور ماثور دعاوٴں سے متعلق کتابیں گھر میں سب کو مطالعہ کے لیے دی جاسکتی ہیں اور جو کتابیں عقائد و مسائل اور احکام سے متعلق ہوں وہ گھر کے ان افراد کو دی جاسکتی ہیں جو عالم دین ہیں، سعودیہ سے پاکستان کتابیں منگانے کے لیے سعودی کتب خانوں کے مالکان سے رابطہ کرکے معلومات کریں۔
واللہ تعالیٰ اعلم
دارالافتاء،
دارالعلوم دیوبند