عنوان:

قبر کے پاس کس طرح کھرا ہونا چاہئے

سوال:

سوال : کیا ایسی کوئی حدیث موجود ہے جس میں یہ ہو کہ جب کسی قبر کی زیارت کے لیے جائیں اس وقت اپنی کم خانہ کعبہ کی طرف کر لیں اور منہ قبر والے کی طرف کر کے ھاتھ اٹھا لیں تو اس وقت قبر والا آپ کو دیکھ رہا ہوتا ہے ۔

جواب نمبر: 60937431-Jan-2022 : تاریخ اشاعت

بسم الله الرحمن الرحيم

Fatwa : 790-662/B=06/1443

 ایسی کوئی حدیث موجود نہیں ہے؛ البتہ قبر کی زیارت کے لیے جانے والوں کو قبر کے پاس اس طرح کھڑا ہونا چاہئے کہ قبلہ کی طرف پشت ہو اور میت (قبر) کی جانب منہ ہو۔ پھر جو کچھ پڑھنا ہے پڑھ کر ایصال ثواب کرے، قبر کے پاس کھڑے ہوکر ہاتھ اٹھاکر دعا نہیں کرنی چاہئے، کیونکہ اس سے اشتباہ ہوتا ہے کہ قبر والے سے مانگ رہا ہے۔ ہاتھ اٹھائے بغیر دعا کرنی چاہئے۔ اگر قبر کے پاس ہاتھ اٹھاکر ہی دعا کرنی ہے تو قبر کو پیچھے کرے اور قبر کے آگے متصلاً کھڑا ہوکر قبلہ رو ہاتھ اٹھاکر دعا کرے بشرطیکہ اس کے سامنے قبریں نہ ہوں۔