عنوان:

جو سركہ آج كل ماركیٹ میں ملتا ہے كیا یہ وہی سركہ ہے جس كی آپ ﷺ نے تعریف فرمائی ہے ؟

سوال:

سر میں نے یہ پوچھنا ہے کہ حدیث شریف میں سرکہ کا ذکر آیا ہے جس کا مفہوم یہ ہے کہ آپ صلی اللّٰہ علیہ وسلم نے فرما یا کہ سرکہ ایک بہترین سالن ہے ۔ کیا یہ وہ سرکہ ہے جو اجکل مارکیٹ میں سیب یا انگور وغیرہ کا بوتل کی شکل میں دستیاب ہے یا عرب میں کسی اور چیز کو سرکہ کہا جاتا تھا۔ رہنمائی فرمائیں کہ حدیث شریف میں ذکر کیا گیا اصل کونسا سرکہ یا سرکہ سالن ہے ۔

جواب نمبر: 60553130-Jul-2021 : تاریخ اشاعت

بسم الله الرحمن الرحيم

Fatwa : 981-620/SN=12/1442

 اس سلسلے میں وارد احادیث، شراحِ حدیث کے اقوال اور اہل لغت کی تصریحات سے معلوم ہوا کہ ”الخل“ (سرکہ) انگور اور کھجور وغیرہ کے رَس سے تیار شدہ، کسی قدر ترش اور سیال مادہ کا نام ہے، اس سے الگ کوئی چیز نہیں ہے۔ آج ”سرکہ“ کے نام سے بازار میں جو ”مادہ“ بکتا ہے وہ بھی اس ”سرکہ“ (جو احادیث میں وارد ہوا ہے) میں شامل ہے۔ (دیکھیں: مرقاة المفاتیح اور کتاب العین وغیرہ)۔