عقائد و ایمانیات >> حدیث و سنت
سوال نمبر: 603045
نومولود بچے کے کان میں اذان اور تکبیر دینے کے بعد سورہ اخلاص پڑھنے کی کیا حیثیت ہے ؟
ایک مفتی صاحب کا بیان سننے کا موقعہ ہوا ، مفتی صاحب فرما رہے تھیں کہ اگر کوئی بچہ پیدا ہو تو اس کے دائیں کان میں اذان اور بائیں کان میں تکبیر کہے اس کے بعد سورہ اخلاص پڑھے ، اس سے کیا ہوتا ہے کہ بچہ زندگی بھر زنا سے محفوظ رہے گا ، اس کی حیثیت کیا ہے ؟ اس کو واضح فرما دیں ۔ جزاکم اللہ
جواب نمبر: 603045
بسم الله الرحمن الرحيم
Fatwa : 663-467/H=06/1442
اذان و تکبیر کے علاوہ اس موقعہ پر سورہٴ اخلاص پڑھنے کا حکم اور اس کی مذکورہ فی السوال تاثیر ہم نے کہیں دیکھی نہیں جن مفتی صاحب نے بیان کیا ہے ان سے حوالہ لکھواکر بھیجئے تب ان شاء اللہ اس پر مزید غور کرلیا جائے گا۔
واللہ تعالیٰ اعلم
دارالافتاء،
دارالعلوم دیوبند