عنوان: یہ حدیث قابلِ عمل ہے؟؟؟

سوال: کیا مندرجہ ذیل حدیث صحیح اور قابلِ عمل ہے؟ حَدَّثَنَا نَصْرُ بْنُ عَلِیٍّ أَخْبَرَنَا صَفْوَانُ بْنُ عِیسَی عَنْ بِشْرِ بْنِ رَافِعٍ عَنْ أَبِی عَبْدِ اللَّہِ ابْنِ عَمِّ أَبِی ہُرَیْرَةَ عَنْ أَبِی ہُرَیْرَةَ قَالَ کَانَ رَسُولُ اللَّہِ صَلَّی اللَّہُ عَلَیْہِ وَسَلَّمَ إِذَا تَلَا غَیْرِ الْمَغْضُوبِ عَلَیْہِمْ وَلَا الضَّالِّینَ قَالَ آمِینَ حَتَّی یَسْمَعَ مَنْ یَلِیہِ مِنْ الصَّفِّ الْأَوَّلِ سنن ابوداؤد:جلد اول:حدیث نمبر 933 حدیث مرفوع مکررات 37 متفق علیہ 11 " نصر بن علی، صفوان بن عیسی، بشر بن رافع، ابوعبد اللہ، حضرت ابوہریرہ رضی اللہ تعالیٰ عنہ سے روایت ہے کہ رسول اللہ صلی اللہ علیہ وآلہ وسلم جب"غَیْرِ الْمَغْضُوبِ عَلَیْہِمْ وَلَا الضَّالِّینَ"پڑھتے تو (اس کے بعد) آمین کہتے۔ یہاں تک کہ صف اول کے نزدیک والے لوگ (آپ صلی اللہ علیہ وآلہ وسلم کی آمین) سن لیتے۔"۔

جواب نمبر: 4182030-Aug-2020 : تاریخ اشاعت

بسم الله الرحمن الرحيم

فتوی: 987-982/N=11/1433 آپ نے سنن ابوداوٴد کے حوالہ سے آمین بالجہر کی جو روایت نقل کی ہے اس کی سند دووجہ سے ضعیف ہے، ایک: بشر بن رافع ضعیف راوی ہے، امام بخاری، امام ترمذی، امام نسائی، امام احمد بن حنبل، یحی بن معین، ابن حبان اور ابن القطان جیسے جلیل القدر ائمہ جرح وتعدیل نے اسے ضعیف قرار دیا ہے، دوسری: ابو عبد اللہ ابن عم ابی ہریرہ مجہول الحال ہے، اور اس سے بشر کے علاوہ کسی نے بھی کوئی روایت نہیں لی، قال الزیلعی: وبشر بن رافع الحارثي ضعفہ البخاري والترمذي والنسائي وأحمد وابن معین وابن حبان، وقال ابن القطان في کتابہ: بشر بن رافع أبو الأسباط الحارثي ضعیف، وہو یروي ہذا الحدیث عن أبي عبد اللہ ابن عم أبي ہریرة، وأبو عبد اللہ ہذا لا یعرف لہ حال ولا روی عنہ غیر بشر، والحدیث لا یصح من أجلہ انتہی کلامہ (نصب الرایة کتاب الصلاة ۱:۳۷۱) اسی طرح آمین بالجہر کے متعلق دیگر جو روایات ہیں ان میں سے ہرایک میں کچھ نہ کچھ خرابی ضرور ہے، قال النیموي: لم یثبت الجہر بالتأمین عن النبي صلی اللہ علیہ وسلم ولا عن الخلفاء الأربقعة، وما جاء في الباب فہو لا یخلو من شيء کذا في آثار السنن ہاں البتہ بعض صحابہ وتابعین سے آمین بالجہر ثابت ہے، اس لیے احناف اور مالکیہ کے نزدیک آمین بالجہر جائز ودرست تو ہے لیکن خلاف سنت اور غیر اولیٰ وافضل ہے اور اس کے بالمقابل آمین بالسر مسنون اور افضل واولیٰ ہے (مزید تفصیلات کے لیے معارف السنن) ۲: ۳۹۶-۴۲۰ اور بذل المجہود وغیرہ کا مطالعہ کریں۔