عنوان: ”الجنة تحت أقدام الأمہات“ اس حدیث کے متعلق وضاحت مطلوب ہے

سوال: ”الجنة تحت أقدام الأمہات“ اس حدیث کے متعلق وضاحت مطلوب ہے کہ یہ موضوع ہے یا صحیح حدیث ہے ؟ حوالہ کے ساتھ جواب عنایت فرمائیں۔

جواب نمبر: 16044901-Sep-2020 : تاریخ اشاعت

بسم الله الرحمن الرحيم

Fatwa:961-1360/L=1/1440

حامداً ومصلیا ومسلماً!حدیث”الجنة تحت أقدام الأمہات“ سنداًضعیف ہے،یہ حدیث دو صحابہ سے مروی ہے (۱) حضرت عبد اللہ بن عباس(۲) حضرت انس،حضرت عبداللہ بن عباسکی حدیث میں ایک راوی موسی بن محمد بن عطا نہایت ضعیف ہے ،ابن حبان نے کہا ہے کہ وہ واضع الحدیث ہے ،اس سے روایت لینا صحیح نہیں ہے اور بعض دوسرے حضرات نے بھی ان پر جرح کی ہے ،اور حضرت انسکی حدیث میں دو مجہول راوی ہیں ؛البتہ اس روایت کے ہم معنی روایت مستدرک حاکم اور دوسری کتابوں میں سندِ صحیح کے ساتھ منقول ہے۔عن معاویة بن جاہمة السلمی أن جاہمة أتی النبي صلی اللہ علیہ وسلم فقال: انی أردت أن أغزووجئت أستشیرک،فقال:ألک والدة؟قال:نعم،قال:اذہب فألزمہا فان الجنة عند رجلیہا ․ہذا حدیث صحیح الاسناد ولم یخرجاہ ،ووافقہ الذہبي․(المستردک للحاکم:۴/۱۵۱)