عنوان: كیا نماز چھوڑنے پر گناہ ہونے كے بارے میں كوئی حدیث ہے؟

سوال: ایسی کوئی ضعیف یا صحیح حدیث ہے جس سے یہ پتہ چلتا ہے کہ نماز چھوڑنے سے گناہ وارد ہو جاتا ہے ؟

جواب نمبر: 15682501-Sep-2020 : تاریخ اشاعت

بسم الله الرحمن الرحيم

Fatwa:255-233/D=4/1439

عن عمر رضي اللہ عنہ قال: قال رسول اللہ صلی اللہ علیہ وسلم: الصّلاة عَمُودُ الدین (رواہ أبو نعیم في الحلیة) اس حدیث شریف میں نماز کو دین کا ستون قرار دیا گیا ہے، گویا نماز کو قائم رکھنے والا اپنے دین کو قائم رکھنے والا ہے، اور نماز کو چھوڑدینے والا اپنے دین کو ڈھادینے والا ہے، اور ایک حدیث شریف میں ہے، من ترک الصلاة لقي اللہ وہو علیہ غضبان (رواہ الطبراني) یعنی جو شخص نماز چھوڑدے، وہ اللہ تعالیٰ سے ایسی حالت میں ملے گا کہ اللہ تعالیٰ اس سے سخت ناراض ہوں گے۔ اس طرح کی ایک دو نہیں بے شمار حدیثیں ہیں، جن میں نماز چھوڑنے پر سخت سخت وعیدیں وارد ہوئی ہیں، بلکہ نماز میں سستی کرنے پر بھی طرح طرح کی وعیدیں وارد ہوئی ہیں۔ اور جس چیز پر وعید وارد ہو، یا اللہ تعالیٰ کی ناراضگی ہوتی ہو، وہ گناہ کا کام ہوتا ہے۔