عقائد و ایمانیات >> حدیث و سنت
سوال نمبر: 149179
جواب نمبر: 149179
بسم الله الرحمن الرحيم
Fatwa: 665-626/SN=6/1438
(الف) حضرت بلال رضی اللہ عنہ کے حوالے سے جو واقعہ آپ نے ذکر کیا ہے بسیار تلاش کے باوجود کتب حدیث و سیر میں ہمیں نہیں ملا، جو لوگ اس واقعے کو صحیح کہتے ہیں، آپ ان ہی سے اس کا مستند حوالہ معلوم کریں اور جب تک مستند حوالہ معلوم نہ ہو تب تک اس طرح کے واقعات لوگوں کے درمیان بالکل نہ بیان کرنا چاہئے۔
(ب) حضرت بلال رضی اللہ عنہ چوں کہ اصلاً حبشہ کے تھے؛ اس لیے آپ کے رنگ کالا تھا (دیکھیں: سیر اعلام النبلاء: ۳/۲۱۲، ط: بیروت، اور الأعلام للزرکلی: ۲/۷۳)؛ لیکن آپ کی زبان میں لکنت تھی اس کا ذکر تلاش کے باوجود ہمیں نہیں ملا۔
واللہ تعالیٰ اعلم
دارالافتاء،
دارالعلوم دیوبند