معاشرت >> ماکولات ومشروبات
سوال نمبر: 602485
کافی، چائے اور باہر کے کھانے کے بارے میں حکم
اسلام میں ان چیزوں کے بارے میں ممانعت ہے جو ہماری صحت کے لئے نقصان دہ ہیں جیسے شراب، سگرٹ وغیرہ 1. کیا چائے ، کافی وغیرہ بھی لینا گناہ ہے ؟
(۲) کیا باہر کی چیزیں کھانا گناہ ہے ؟ کیوں کہ وہ نقصان دہ ہو سکتی ہیں؟
(۳) کافی میں caffeine ہوتی ہے ، جس کے بارے میں مجھے معلومات نہیں ہے ، کیا کافی حرام ہے ؟
جواب نمبر: 602485
بسم الله الرحمن الرحيم
Fatwa:457-294/sd=6/1442
چائے اور کافی پینا جائز ہے ، اس لیے کہ چائے اور کافی میں کوئی ناپاک یا حرام جزء شامل نہیں کیا جاتا ہے۔
(۲) باہر کی حلال اور پاک چیزیں کھانا بھی فی نفسہ جائز ہے ۔
( ۳) کیفین کے بارے میں تحقیق سے معلوم ہوا کہ اس سے محض نشاط حاصل ہوتا ہے ، یہ مسکر نہیں ہے ، لہذا کافی میں اس کا استعمال درست ہے ۔ واضح رہنا چاہیے کہ جو اشیاء صحت کے لئے نقصان دہ ہوں تو ان سے بچنا بہتر ہے ؛ لیکن محض نقصاندہ ہونے کی وجہ سے کسی چیز کو حرام نہیں کہا جاسکتا ۔
واللہ تعالیٰ اعلم
دارالافتاء،
دارالعلوم دیوبند