معاشرت >> ماکولات ومشروبات
سوال نمبر: 3545
اگر کوئی مسلم دوست بینک میں کام کر رہا ہو اور اس کی تنخواہ سودی ہو اور وہ اپنی طرف سے کچھ کھلائے پیلائے تو اس کی کمائی سے کھانے کو منع کر دیاجائے یا دعوت قبول کرلی جائے؟
اگر کوئی مسلم دوست بینک میں کام کر رہا ہو اور اس کی تنخواہ سودی ہو اور وہ اپنی طرف سے کچھ کھلائے پیلائے تو اس کی کمائی سے کھانے کو منع کر دیاجائے یا دعوت قبول کرلی جائے؟
جواب نمبر: 3545
بسم الله الرحمن الرحيم
فتوی: 420/ د= 374/ د
آپ کے دوست کے پاس دوسرا بھی کوئی ذریعہٴ معاش ہے خواہ کوئی بھی (مثلاً کاشتکاری، تجارت، وغیرہ) حلال ذریعہ آمدنی ہو اور قلیل ہی کیوں نہ ہو تب تو ایسے دوست کے یہاں دعوت کھانے کی گنجائش ہے۔
اور اگر صرف بینک کی تنخواہ اس کا ذریعہ آمدنی ہے اور اس کا کام بھی بینک میں اکاوٴنٹ وغیرہ لکھنے کا ہے تو اس کے یہاں دعوت کھانے سے احتیاط برتی جائے۔ اور یقین ہونے پر احتیاط لازم ہے۔
واللہ تعالیٰ اعلم
دارالافتاء،
دارالعلوم دیوبند