عنوان: جائیداد کی رقم اولاد میں كس طرح تقسیم ہوگی؟

سوال: سوال: مالک جائیدات محترم رحیم الدین مرحوم وفات 2007 جائیدات کی رقم 1لاکھ روپے جائیدات کے حصہ داران۔ زوجہ- گلشن (مرحومہ) وفات 2011 حصہ کی رقم۔۔۔۔۔۔۔۔۔۔۔ بیٹی ۔ حُسنہ (شادی شدہ) ، حصہ کی رقم ۔۔۔۔۔۔۔۔۔۔۔ بیٹی- بُشریٰ (شادی شدہ) ، حصہ کی رقم۔۔۔۔۔۔۔۔۔۔۔۔۔ بیٹی۔ شازیہ (شادی شدہ)، حصہ کی رقم۔۔۔۔۔۔۔۔۔۔۔۔۔۔ بیٹا۔ عامر (شادی شدہ)، حصہ کی رقم۔۔۔۔۔۔۔۔۔۔۔۔۔

جواب نمبر: 15628101-Sep-2020 : تاریخ اشاعت

بسم الله الرحمن الرحيم

Fatwa:338-157/sn=3/1439

اگر مرحوم رحیم الدین صاحب کے والدین کا ان سے پہلے، اِسی طرح ان کی زوجہ گلشن کے والدین کا انتقال ان سے پہلے ہوگیا تھا تو صورتِ مسئولہ میں رحیم الدین مرحوم اور گلشن مرحومہ نے جو کچھ ترکہ (زمین، مکان، پیسہ، زیورات، واجب الاوصول قرضے اور دیگر تمام اثاثے) چھوڑا ہے سب کے بعد ادائے حقوق متقدمہ علی الارث کل ۵/ حصے ہوں گے، جن میں سے ۲/ حصے بیٹے عامر کو اور ۱-۱حصہ تینوں بیٹیوں میں سے ہرایک کو ملے گا۔