معاشرت >> تعلیم و تربیت
سوال نمبر: 3119
اگر میری بیوی کے انتقال کے بعدمیری لڑکی کی پرورش نانی کے ذمہ نو سال تک ہے اور اگر میں اپنی بیٹی کی پرورش کے متعلق چند شرائط رکھنا چاہوں تو کیامیں رکھ سکتاہوں؟ اس لیے کے مجھے اس کا خوف ہے کہ کہیں میری بیٹی کے دین اور اخلاق میں بگاڑ پیدا نہ ہوجائے۔
جواب نمبر: 3119
بسم الله الرحمن الرحيم
فتوی: 207/ ل= 207/ ل
بیٹی کے نانی کی پرورش میں رہنے کی وجہ سے آپ بالکلیہ اپنی لڑکی سے دستبردار نہیں ہوگئے، اس لیے اگر آپ پرورش کے سلسلے میں کچھ ایسے شرائط لگائیں جن سے آپ کی بیٹی کے دین و اخلاق میں بگاڑ پیدا نہ ہو تو اس کی اجازت ہوگی: وفي انتقالھا من المصر إلی القریة لا تمکن من ذلک ولو کانت القریة قریبة لتضرر الولد بتخلفہ بأخلاق أھل السواد (شامي: ج۵ ص۲۷۳، ط․ زکریا دیوبند)
واللہ تعالیٰ اعلم
دارالافتاء،
دارالعلوم دیوبند