متعلقہ سوالات

میں میڈیکل کالج میں پڑھتاہوں۔ وہاں کا ماحول بہت خراب ہے۔ بے حیائی بہت عام ہے۔ لڑکا لڑکی ایک دوسرے سے بات کرنے کو برا نہیں سمجھتے۔اگلے سال سے کالج کی انتظامیہ کی طرف سے کلینکل گروپ بھی بنائے جائیں گے جس میں تین چار لڑکے اور گیارہ بارہ لڑکیاں ہوتی ہیں۔کیا ضرورت کے تحت ان سے بات کی جاسکتی ہے؟ کوئی دعا یا وظیفہ اس ماحول سے اپنے آپ کو بچانے کے لیے بھی بتادیں۔ نیز یہ کہ دعوت و تبلیغ کے لحاظ سے میری کیا ذمہ داریاں ہیں؟

کیا اسلام میں گود لیا جاسکتا ہے، جیسے کہ کسی کی اولاد نہیں ہے اورانھوں نے کسی کو گود لیا؟ کچھ یعنی بیس سال بعد وہ انتقال فرماگئے۔ کیا ان کی جائیداد میں گود لیے ہوئے کا حصہ ہوگا کہ نہیں؟

بچوں کو والدین کے بستر سے کس عمر میں الگ کیا جائے گا؟

میرے علاقہ میں ایک مولانا و مفتی ہیں، وہ بہت اچھی طرح انگریزی لکھتے اور بولتے ہیں۔ وہ ہماری مسجد کے امام و خطیب ہیں۔ وہ میرے قریبی ساتھی ہیں اور وہ بہت زیادہ مخلص ہیں۔ انھوں نے غریب مسلم بچوں کے لیے اسلامی ماحول کے ساتھ ایک انگلش میڈیم اسکول کھولنے کامنصوبہ بنایا ہے۔ اسکول ان کو پرائمری اور اعلی تعلیم مہیاکرائے گا۔ اسکول کا ماحول مدرسہ جیسا ہوگا اورطلباء کا لباس کرتا، پائجامہ اور ٹوپی ہوگا۔ وہ ان سے ان کی مالی حیثیت کے اعتبار سے فیس لیں گے، اگر کوئی فیس نہیں ادا کرسکتا ہے تو وہ اس کو اسکول کے فنڈ سے ادا کریں گے، اور اگر کوئی شخص آدھی فیس ادا کرسکتا ہے یا اس سے بھی کم تب بھی بقیہ اسکول کے فنڈ سے ادا کی جائے گی۔ وہ مجھ سے مدد کے لیے کہہ رہے ہیں۔ میں ان کے اسکول کے لیے اپنا مکان وقف کرنا چاہتا ہوں۔ کیا میں ایسا کرسکتا ہوں؟ اگر نہیں ، تو میں ان کے اسکول کا کسی اور ذریعہ سے کیسے تعاون کرسکتا ہوں؟ میں یہ اس لیے معلوم کررہا ہوں کیوں کہ یہ اپنی نوعیت کا واحد مدرسہ ہوگا۔ میرے شہر کے علماء نہ تو ان سے اتفاق کرتے ہیں اور نہ ہی ان کی مخالفت کرتے ہیں۔ برائے کرم میرے سوالات کا قرآن اور حدیث کے حوالہ سے جواب عنایت فرماویں، میں ان کو سمجھنے کی کوشش کروں گا۔

برائے کرم آپ مجھ کو تمام نماز اور وضو کا طریقہ بتادیں مطلب تمام فرض، سنت اور مستحب کے ساتھ؟

میں ایک یونیورسٹی کا طالب علم ہوں اور شام میں مستند دیوبندی علماء سے درس نظامی بھی پڑھتا ہوں۔ استاذ سے سوال کرنے کے آداب سے متعلق میں ایک مسئلہ پوچھنا چاہتا ہوں۔ یونیورسٹیوں میں سوال کرنے کی ہمت افزائی ہوتی ہے لیکن میں نے محسوس کیا ہے کہ مدرسوں میں ایسی بات نہیں۔ اس سلسلے میں مشورہ عنایت فرماکر میری مدد فرمائیں۔ جلد جواب دیں گے کیوں کہ اس صورت حال سے مجھے بہت زیادہ پریشانی ہورہی ہے۔