متفرقات >> دعاء و استغفار
سوال نمبر: 608265
اللہ تعالی سے عافیت کی دعا کرنی چاہئے
سوال : میرا نام عطیہ ہے میری زندگی میں آزمائش کے سلسلے اتنے دراز ہیں کہ اب تک مشکلیں کم نہیں ہوتیں میرے دو بچے ہیں اور شوہر کی سر پرستی نہیں ہے طلاق ہو چکی ہے نہ ہی کسی اورطرح کی کوئی سر پرستی ہے معاشی تنگی بیحدہے جس کی وجہ سے ذہنی پریشانیاں کم نہیں ہوتیں تمام راستے بند ہیں اور کوئی بھی کام بننے سے پہلے ہی ختم ہوجاتا ہے دوست دشمن بنتے جارہے ہیں ذندگی اذیت کے سوا کچھ نہیں الحمدللہ نماز کی پابندی ہے آپ سے خصوصی دعا کے لئے عاجزانہ درخواست ہے ،برائے مہربانی مشکلات کے لئے حل بتائیں۔
جواب نمبر: 608265
بسم الله الرحمن الرحيم
Fatwa : 552-406/D=05/1443
اللہ تعالی اپنے نیک اور چہیتے بندوں کو آزمائش میں ڈالتے اور آخرت کے اعتبار سے ان کے درجات بلند فرماتے ہیں۔ قرب الٰہی کا زینہ صبر ہے اور اللہ تعالی سے عافیت دارین کا سوال اور درخواست کرنا ہے۔ نماز کے ساتھ تلاوت قرآن کا ہتمام بھی کریں، گناہوں سے بچنے کا اہتمام کریں اور اللہ تعالی سے برابر دعا کرتی رہیں۔ ہم بھی آپ کے لیے عافیت دارین کے واسطے دعا کریں گے۔
یَا حَیُّ یَا قَیُّوْمُ بِرَحْمَتِکَ اَسْتَغِیْثُ ۔
صَلَّ اللَّہُ عَلَی النَّبِیِّ الأمِّيِّ ۔
لاَ إلٰہَ إلاَّ أنْتَ سُبْحَانَکَ إنِّیْ کُنْتُ مِنَ الظَّالِمِیْنَ ۔
اَللَّہُمَّ إنِّیْ أسْألُکَ الْعَفْوَ وَالْعَافِیَةَ فِیْ دِیْنِیْ وَدُنْیَایَ وَاَہْلِیْ وَمَالِیْ۔
واللہ تعالیٰ اعلم
دارالافتاء،
دارالعلوم دیوبند