متفرقات >> دعاء و استغفار
سوال نمبر: 603575
چوری کرنے کے بعد توبہ سے گناہ معاف ہوگا یا نہیں؟
جواب نمبر: 603575
بسم الله الرحمن الرحيم
Fatwa : 594-512/D=08/1442
(۱) چوری کرنا حقّ اللہ کے خلاف ہے اور حقّ العبد کے بھی، چوری سے دونوں حقوق پامال ہوتے ہیں پس حق اللہ کی ادائیگی کے لئے توبہ استغفار کرنا ضروری ہے یہاں تک کہ امید ہوجائے کہ اللہ تعالی نے معاف فرمادیا ہوگا اور حق العبد کی ادائیگی بھی کرے۔
(۲) حق العبد ہونے کے اعتبار سے چوری کا مال اصل مالک کو واپس کرنا ضروری ہے اور اس سے معذرت کرنا بھی اللہ تعالی اس وقت تک معاف نہیں فرماتے جب تک کہ صاحب حق بندہ معاف نہ کردے۔
(۳) جی ہاں حقوق العباد میں توبہ بارگاہ الٰہی میں کرنے کے ساتھ بندہ کا حق (یعنی چوری کا سامان) واپس کرنا بھی ضروری ہوتا ہے۔
واللہ تعالیٰ اعلم
دارالافتاء،
دارالعلوم دیوبند