عنوان: حضرت کیا میں پسند کی شادی کے لیے وظائف پڑھ سکتے ہیں

سوال: حضرت کیا میں پسند کی شادی کے لیے وظائف پڑھ سکتے ہیں، میں نے ایک جگہ پڑھا ہے کہ یہ وظیفے الٹے بھی لگ جاتے ہیں، مجھے ان وظائف کی معلومات ہیں: لا حول ولا قوة 1100مرتبہ،4 مہینے تک ، اول و آخر درود ابرہیمی 11-11مرتبہ پڑھیں، آیت الکرسی نمازِ فجر کے بعد 9 باقی ہرنماز کے بعد 8 مرتبہ زندگی کا معمول بنائیں، فجر کے بعد سورہٴ یاسین ایک دفعہ مستقل پڑھیں۔ یا غنی یا مغنی 1100 مرتبہ عشاء کے بعد پڑھیں۔ کیا ان وظیفوں کو پڑھا جاسکتا ہے، یا اس اور کوئی مجرب وظیفہ بتائیں۔

جواب نمبر: 5343301-Sep-2020 : تاریخ اشاعت

بسم الله الرحمن الرحيم

Fatwa ID: 1034-1034/M=8/1435-U پسند کی شادی کا مطلب اگر یہ ہے کہ کوئی لڑکی ایسی ہے جس کو آپ چاہتے اور محبت کرتے ہیں اس سے بات چیت اور ملاقات کرتے ہیں تو شادی سے پہلے ایسا کرنا ناجائز ہے، اگر رشتہ ٹھیک لگتا ہو اور دونوں کے گھر والے راضی ہوں تو جلد نکاح کرلینا چاہیے، اور اگر کسی خاص لڑکی سے محبت وچاہت کا کوئی تعلق نہیں ہے تو خیر کے رشتے کے لیے دعا کریں اور مذکورہ وظائف پڑھ سکتے ہیں، یَا لطیفُ اور یا جَامعُ سو سو مرتبہ اول وآخر گیارہ مرتبہ درود شریف کے ساتھ سونے سے پہلے یہ بھی پڑھ سکتے ہیں۔