متفرقات >> دعاء و استغفار
سوال نمبر: 38114
جواب نمبر: 38114
بسم الله الرحمن الرحيم
فتوی: 649-102/B=5/1433 اگر کوئی مسلمان قصدا معاذ اللہ قادیانی ہوگیا یعنی مرتد ہوگیا اور دین سے مرتد ہونے والا قصدا ہی مرتد ہوتا ہے، پھر بعد میں اسے قادیانیوں کا گمراہ ہونا اور غیرمسلم ہونا معلوم ہوا۔ اور اپنے مرتد ہونے پر پشیمان ہوا۔ اور پھر سچی پکی توبہ کرکے مسلمان ہوگیا، اور حقیقت میں اسلام قبول کیا تو اسکا اسلام معتبر مانا جائے گا۔ اسی طرح پھر قادیانی ہوگیا اور بعد میں سچی پکی توبہ کرکے پھر مسلمان ہوگیا، مسلمان لوگ اسے آزما بھی لیں کہ واقعی وہ مسلمان ہوا ہے یا اسی طرح گرگٹ کی طرح رنگ بدلتا رہتا ہے، کچھ شرائط و پابندیاں لگاکر اسے آزمایا جائے اگر وہ واقعی اپنے مرتد ہونے پر شرمند ہوکر اب سچی پکی خالص توبہ کرکے مسلمان ہوا ہے تو اس کا دوبارہ اسلام لانا بھی معتبر ہوگا۔
واللہ تعالیٰ اعلم
دارالافتاء،
دارالعلوم دیوبند