متعلقہ سوالات

الحمد للہ میں گزشتہ ایک سال سے تبلغی جماعت میں شامل ہوا ہوں اور الحمد للہ بہت سارے گناہوں کو میں نے چھوڑ دیا ہے۔ اب چند دنوں سے کچھ پریشانیاں یعنی کچھ برے خیالات میرے ذہن میں آتے ہیں بدنظری بھی پیش آتی ہے میری طرف سے اور میں بہت پریشان ہوتا ہوں۔ برائے کرم مجھ کو مشورہ دیں اور مجھ کو کچھ وظیفہ بھی بتائیں تاکہ میں ان گناہوں کو چھوڑ سکوں۔

میرا لڑکا عاصم خان جس کی عمر26سال ہے نے اپنا ذہنی سکون کھو دیا ہے، جب کہ وہ انجینئر اور گریجویٹ بھی ہے۔ نوکری اور اپنے مستقبل کی فکر کرنے کے بجائے وہ درگاہ اور کافروں کے پاس جاتاہے۔اس کو مسلسل گردے کی پتھری بھی ہے۔ اگر چہ بہت ساری پتھریاں پیشاب کے ذریعہ سے باہر بھی آگئی ہیں۔ اس کا گزشتہ پانچ سال کے درمیان پانچ مرتبہ آپریشن بھی کیا گیا ہے۔ ڈاکٹر لوگ مسلسل گردہ میں پتھری کے پیدا ہونے کا سبب جاننے سے قاصر ہیں۔ وہ پورے طور پر ڈسٹرب ہوگیاہے۔ ہم کو اس بات کا یقین ہے کہ اس پر شیطان فطرتوں نے عمل کیا ہے، اس کی زندگی مکمل طور پر تبدیل ہوگئی ہے۔ وہ اپنے خیر خواہوں سے نفرت کرتاہے بشمول اپنے چھوٹے بھائی اور ماموں کے جو کہ عالم اور حافظ ہیں۔ اس کی ماں کا نام فوزیہ بیگم ہے،جو کہ بہت مذہبی اور کٹر نماز ی ہیں، پابندی سے قرآن کی تلاوت کرتیہیں۔ طبی علاج کے علاوہ میں نے کچھ مشہور و معروف عالموں سے بھی رابطہ قائم کیا ہے۔ ان کے مطابق اس کو کچھ شیطانی پریشانی ہے، لیکن پریشانی معلوم کرنے سے معذورہیں۔ میرے گھر والے آپ کے بہت زیادہ ممنون ہوں گے اگر آپ اس مسئلہ کو حل کردیں او رہماری رہنمائی فرماویں۔

میری عمر تیس سال ہے۔ میرا ایک لڑکا اور ایک لڑکی ہے۔بیٹے کی ڈلیوری کے بعد سے مجھے کبھی کوئی پریشانی ہوجاتی ہے اور کبھی کوئی۔ پہلے رحم میں تکلیف تھی، وہ کچھ صحیح ہوئی تو پھر فرج میں تکلیف شروع ہوگئی اوراب وہ صحیح ہوئی تومجھے ہرنیا ہوگیا۔ڈاکٹر آپریشن کا مشورہ دیتے ہیں لیکن آپریشن سے پہلے میں ایک اوربچہ چاہتی ہوں۔ مجھے کوئی دعا بتادیں تاکہ اللہ مجھے جڑواں بچے دے اور صحیح حمل ہو، اور کوئی دعا اور بھی بتادیں تاکہ میں نماز روزہ کی پابند ہوجاؤں۔