عنوان: سوال یہ ہے کہ مردوں کو ایصال ثواب کیسے کیا جائے اور کس شکل میں (یعنی کپڑے ، کھانا وغیرہ )؟(۲)

سوال: سوال یہ ہے کہ مردوں کو ایصال ثواب کیسے کیا جائے اور کس شکل میں (یعنی کپڑے ، کھانا وغیرہ )؟(۲) جس میت کو ایصال ثواب کیا جائے توکیا اسے یہ معلوم ہوتاہے یہ کون کررہا ہے؟(۳) اگر ہم ایصال ثواب نہ کریں تو کیا ہوگا؟(۴) کیا ایصال ثواب کرنے پر اللہ تعالی گناہ معاف کردیتاہے؟ براہ کرم، اس بارے میں رہنمائی فرمائیں۔

جواب نمبر: 3097630-Aug-2020 : تاریخ اشاعت

بسم الله الرحمن الرحيم

فتوی(م): 519=519-5/1432

ایصالِ ثواب مختلف طریقے پر ہوسکتا ہے ؛ کسی غریب ومحتاج کو کپڑا پہناکر یا کھانا کھلاکر یا صدقہ وخیرات وغیرہ کرکے، یا قرآن شریف کی تلاوت کرکے یا نفلی نماز وطواف وغیرہ کے ذریعہ، کوئی بھی بدنی یا مالی کارِ ثواب کرتے وقت نیت کرلیں کہ اس کا ثواب فلاں میت کو پہنچ جائے یا بعد میں دعا کرلیں کہ اے اللہ اس کا ثواب فلاں کو پہنچادے۔ (۲) معلوم ہوجانا، اللہ کی قدرت سے مستبعد نہیں ہے۔ (۳) ایصالِ ثواب زندوں کی طرف سے مُردوں کے لیے ایک عطیہ اور تحفہ ہے جس کا میت کو انتظار رہتا ہے، حسب استطاعت ایصالِ ثواب کرتے رہنا چاہیے، اگر کوئی نہ کرے تو کوئی گناہ نہیں۔ (۴) جی ہاں، معاف کردیتا ہے۔