عنوان: براہ کرم، شب برأ ت کے فضائل، عبادت کے طریقے اور وظائف کے بارے میں بتائیں۔

سوال: براہ کرم، شب برأ ت کے فضائل، عبادت کے طریقے اور وظائف کے بارے میں بتائیں۔

جواب نمبر: 2494631-Aug-2020 : تاریخ اشاعت

بسم الله الرحمن الرحيم

فتوی(ھ): 1762=1290-9/1431

تفسیر درمنثور (سورة الدخان کی تفسیر) میں نیز کتب حدیث اور شروح حدیث فقہ وفتاویٰ میں فضائل وارد ہوئے ہیں ”شب براء ت کی فضیلت ایک تحقیقی جائزہ“ چھوٹی سی کتاب ہے اس میں مدلل بحث ہے، اسی طرح حضرت مولانا مفتی محمد شفیع صاحب رحمہ اللہ کی کتاب ”شب براء ت“ ہے اس میں عمدہ بحث ہے، حاصل یہ کہ اس رات میں نصوص کثیرہ سے عبادت میں مشغول رہنا مستحب ہونا ثابت ہوتا ہے۔ نوافل، قرآنِ کریم کی تلاوت درود شریف تسبیح ذکر وغیرہ جو چاہے کرے تاہم یہ امر بھی قابل لحاظ ہے کہ اپنے اپنے گھروں میں عبادات کا اہتمام کیا جائے یہ مستحب ہے، اور جو امور اپنی طرف سے لوگوں نے رائج کرلیے ہیں، ان سے احتراز کی ضرورت ہے ۔