متفرقات >> دعاء و استغفار
سوال نمبر: 178242
جواب نمبر: 178242
بسم الله الرحمن الرحيم
Fatwa : 965-716/H=08/1441
کرونا وائرس طاعون و وباء کے موقعہ پر قرآن کریم حدیث شریف نیز کتب فقہ سے اذانیں کہنا ثابت نہیں لہٰذا ایسے مواقع پر گھر کی چھت پر یا گھر کے کونوں وغیرہ میں اذان نہ کہنی چاہئے بلکہ اس طرح کے مواقع میں مسلمانوں کو چاہئے کہ ظاہری تدابیر اختیار کرنے کے ساتھ ساتھ انفرادی طور پر قرآن پاک کی تلاوت درود شریف اور نوافل کی کثرت اور دعاوٴں کا اہتمام کریں چھوٹے بڑے گناہوں سے بچیں ادائیگی حقوق اللہ و حقوق العباد کی فکر کریں غریب فقیر مسکین محتاج ضرورت مند لوگوں پر کثرت سے صدقہ خیرات کریں کہ یہ سب امور قرآن و حدیث سے ثابت ہیں ان شاء اللہ ان اعمال کی انجام دہی پر اللہ پاک کی نصرت و مدد شامل ہوگی۔
واللہ تعالیٰ اعلم
دارالافتاء،
دارالعلوم دیوبند