عنوان: اچانك كام ٹھپ ہوگیا كوئی وظیفہ وغیرہ بتادیں

سوال: مفتیان اکرام صاحبان امید ہے خیریت سے ہوں گے، مولانا میرے ایک دوست الحمداللہ اطمئینان بخش کام کاروبار کرتے تھے لیکن پچھلے ایک سال سے وہ بہت بہت پریشان ہیں کوئی بھی کام میں برکت نہیں ہے اور کوئی کام چل نہیں پارہا ہے، وہ نماز روزوں و عبادتوں کے پابند ہیں لیکن بہت سے وظائف کی پابندی کرتے ہیں لیکن کسی کام میں کامیابی مل نہیں پارہی ہے۔ برائے مہربانی ان کے لئے کوئی وظیفہ و اذکار تجویز کریں تاکہ وہ پریشانیوں سے ابر سکیں شکریہ نیز مولانا میرے اور میرے خاندان کے صحت وعافیت نیز پریشانیوں سے بچنے کے لئے خصوصی دعا کی درخواست ہے۔ ساتھ ہی دادی جان ووالد صاحب کی صحت اور والدہ محترمہ کی مغفرت کی خصوصی دعا کی بھی درخواست ہے۔

جواب نمبر: 17250601-Sep-2020 : تاریخ اشاعت

بسم الله الرحمن الرحيم

Fatwa:1058-977/sd=1/1441

(۱) آپ دوست کو بتادیں کہ صبح و شام یہ آیت سات مرتبہ پڑھ لیا کریں: حَسْبِیَ اللہُ لَآ اِلٰہَ اِلَّا ھُو عَلَیْہِ تَوَکَّلْتُ وَھُوَرَبُّ الْعَرْشِ العظیم ( التوبة ) ایک حدیث میں ہے کہ جو شخص صبح شام یہ کلمات سات مرتبہ پڑھے تو اللہ تعالیٰ اس کے ہر کام کو آسان فرمادیتے ہیں؛ یعنی دنیا وآخرت کے تمام اہم کاموں کی کفایت فرماتے ہیں ۔ (ابوداوٴ د )

(۲) دعا کرتے ہیں کہ اللہ تعالی آپ کو، آپ کے خاندان اور جملہ عزیز و اقارب کو صحت و تندرستی عطا فرمائے اور ہر طرح کے شرور و فتن سے حفاظت فرمائے اور مرحومین کی مغفرت فرمائے، آمین ۔