عبادات >> احکام میت
سوال نمبر: 604101
پرانے قبرستان کو راستے کے لئے استعمال کرنا
یا فرماتے ہیں علماء دین مفتیان شرح متین پرانے قبرستان کو راستے کے لئے استعمال کرنا ہمارے کھیت کے پاس قبرستان ہے جس کا خسرہ نمبر الگ ہے اور قبرستان میں جانے کا کوئی راستہ نہیں ہے ہمارے کھیت سے ہو کر جایا جاتا ہے قبرستان میں صرف نوزائیدہ بچوں کو ہی دفن کیا گیا ہے جس میں آخری بار تدفین تقریباً تیرہ سال پہلے کی گئی تھی اس کے بعد ہم نے اس میں کوئی تدفین نہیں ہونے دی کیا قبرستان کو بگی، ٹرالی نکالنے کے لئے استعمال کر سکتے ہیں یا نہیں؟
جواب نمبر: 604101
بسم الله الرحمن الرحيم
Fatwa : 792-528/SN=08/1442
اگر یہ قبرستان موقوفہ ہے تو اس میں دفن موتی کا سلسلہ جاری رکھنا چاہئے؛ تاکہ واقف کو ثواب ملتا رہے، معلوم نہیں اس قبرستان میں دفن موتی کا سلسلہ اتنے دنوں سے کیوں بند ہے؟ بہرحال موقوفہ قبرستان کو عام راستے کے طور پر استعمال کرنا شرعاً جائز نہیں ہے، راستے کے لئے کوئی اور تدبیر سوچی جائے۔
واللہ تعالیٰ اعلم
دارالافتاء،
دارالعلوم دیوبند