عنوان: ایصال ثواب

سوال: میت کے دوسرے دن زیارت کا فاتحہ ہوتاہے اور امام صاحب نماز فجر کے بعد قرآن کریم تلاوت کرکے مرحوم کو ایصال ثواب کرتے ہیں اور اس میں میٹھی چیز ہوتی ہے جیسے ، کیلا، سیب اور مڑمڑے وغیرہ۔ سوال یہ ہے کہ مرحوم کے دوسرے دن یہ سب کرنا کیسا ہے؟ یہ سب کرنا آپ کی نظر میں کیسا ہے؟کیا یصال ثواب کی ہوئی چیز گھر لے جانے سے نحوست آتی ہے؟

جواب نمبر: 3687501-Sep-2020 : تاریخ اشاعت

بسم الله الرحمن الرحيم

فتوی(ھ): 486=273-3/1433 ایصالِ ثواب مذکورہ فی السوال طریقہ مکروہ اور خلافِ سنت ہے اور خلافِ سنت کاموں کو کرنے سے نحوست کا ہونا بھی ظاہر ہے، فی نفسہ تو ایصالِ ثواب درست وثابت ہے، جس کی صورت یہ ہے کہ جو شخص جب چاہے جس کو چاہے جس قدر چاہے جہاں چاہے قرآنِ کریم درود شریف نوافل پڑھ کر نفلی روزہ رکھ کر کسی غریب مسکین محتاج کی ضرورت پوری کرکے یہ نیت کرلیا کرے کہ یا اللہ اس کا ثواب فلاں فلاں کو پہنچادے، بس یہ ایصالِ ثواب ہے، اس میں نہ لوگوں کو جمع کرنے کی ضرورت ہے نہ دعوت اور کھانے پینے کی چیزوں کے انتظام کی حاجت ہے اور بھی جو بکھیڑے رائج ہوگئے ہیں ان سب سے اس میں حفاظت ہے۔