عقائد و ایمانیات >> دعوت و تبلیغ
سوال نمبر: 605009
لوگوں كی بھلائی كے لیے ویڈیو اپلوڈ كرنا؟
کیا میں آپ کے دئیے گئے فتوی کی وڈیو بنا کر لوگوں کی بھلائی کے لیے ٹک ٹاک یادوسرے کسی پلیٹ فارم پر اپلوڈ کر سکتا ہوں؟
جواب نمبر: 605009
بسم الله الرحمن الرحيم
Fatwa:1004-793/L=11/1442
جاندار کی ویڈیو سازی جائز نہیں ، اسی طرح ” ٹک ٹاک “ کا استعمال بالعموم لہو ولعب کے لیے ہوتا ہے ؛ اس لیے آپ” ٹک ٹاک“ پر فتاوی اپلوڈ نہ کریں ، اس کے علاوہ اگر آپ اپنے مضامین میں یہاں کے فتاوی کو شامل کرکے اس کی اشاعت کریں تو اس میں مضائقہ نہیں ؛ البتہ اس صورت میں ضروری ہے کہ اس میں حذف واضافہ نہ ہو ،نیز اگر آپ کو یہ شک ہو کہ یہ دارالافتاء دارالعلوم دیوبند کا فتوی ہے یانہیں؟ تو دارالافتاء خط لکھ کر اس کی تصویب کرالیں تاکہ کسی قسم کا کوئی شبہ باقی نہ رہے ۔
واللہ تعالیٰ اعلم
دارالافتاء،
دارالعلوم دیوبند