عقائد و ایمانیات >> دعوت و تبلیغ
سوال نمبر: 26043
جواب نمبر: 26043
بسم الله الرحمن الرحيم
فتوی(ب): 1740=1371-11/1431
حضرت مولانا الیاس رحمہ اللہ عورتوں کی جماعت بھیجنے کے سلسلہ میں تین مرتبہ حضرت مولانا مفتی کفایت اللہ کے پاس اجازت لینے کے لیے تشریف لے گئے، حضرت مفتی صاحب نے ہرمرتبہ منع فرمایا اوراجازت نہیں دی، اس لیے حضرت مولانا الیاس رحمہ اللہ نے کبھی مستورات کی جماعت نہیں بھیجی۔ زمانہ خیرالقرون میں اس کی کوئی نظیر نہیں ملتی۔ فتنہ کا شیوع ہے، اس لیے احتیاط کرنا ہی بہتر ہے، عورتوں کو چاہیے کہ وہ مقامی طور پر ہفتہ میں ایک دوبار اجتماع کرکے دینی مذاکرہ کرلیا کریں۔ ان شاء اللہ دینی ماحول پیدا ہوجائے گا۔
واللہ تعالیٰ اعلم
دارالافتاء،
دارالعلوم دیوبند