متعلقہ سوالات

مونچھوں کو بار بار منڈوانے کا کیا حکم ہے؟

كیا كسی كے لیے سونے یا چاندی كا تاج پہننا درست ہے؟

گھڑی کس ہاتھ میں باندھی جائے؟

بیلٹ والی شلوار پہننا كیسا ہے؟

میں نے آج ایک حدیث سنی جس کا مفہوم ہے کہ اللہ تعالی اس بندے کو پسند نہیں فرماتے جس کا پائجامہ ٹخنے کو چھپاتا ہو․․․میری مجبوری یہ ہے کہ میرے ٹخنوں پر سفید داغ ہیں جو مجھے بھدے لگتے ہیں اور میں نمازمیں اسی وجہ سے اپنی پینٹ سے ٹخنوں کو چھپاتا ہوں۔ اوریہ سفید داغ صرف میرے ٹخنوں پر ہی ہیں۔یا اگر میں باہر بھی ہوں تو بھی اپنے اس عیب کو اپنی پینٹ سے چھپاتا ہوں۔ میری تمنا ہے کہ میں اپنی پینٹ سنت طریقہ سے پہنوں لیکن میری مجبوری ہے۔ میرے پیروں پر سفید داغ جو ہمارے معاشرہ میں صحیح نہیں سمجھے جاتے ہیں نہ ہی وہ مجھے دیکھنے میں صحیح لگتے ہیں۔ اگر میں اپنی پینٹ ٹخنوں سے نیچے پہنتا ہوں تو یہ داغ چھپ جاتے ہیں۔ میرا سوال یہ ہے کہ اس مسئلہ میں آپ کیا فرماتے ہیں؟ مجھے کیا کرنا چاہیے؟ اگر میں اس مجبوری کی وجہ سے نماز میں اپنے ٹخنے چھپاتا ہوں تو کیا یہ درست ہے؟

میرا مسئلہ یہ ہے کہ میرے چہرے پر بال زیادہ ہیں او راعلانیہ دکھتے بھی ہیں اور میری عمر اس وقت چھبیس سال ہے اور ابھی شادی نہیں ہوئی ہے۔ بہت رشتے آئے لیکن کوئی رشتہ جما نہیں۔ کچھ لوگوں نے چہرے پر بال ہونے پر اعتراض بھی کیا۔ میری بھنویں بہت چوڑی ہیں اور وہ چہرے پر اچھی نہیں لگتی ہیں۔ کیا میں اس صورت میں بھنوں بنا سکتی ہوں اور ہونٹوں کے اوپر کے بال نکال سکتی ہوں؟ برائے کرم مجھے بتائیں میں شکر گزار رہوں گی۔

میں یہاں چائنا میں ہوتا ہوں، میرے ایک چائنیز دوست نے مجھ سے پوچھا کہ تم سونا کیوں نہیں پہنتے تو میں نے اس کو جواب دیا کہ مسلم مرد سونا نہیں پہن سکتے، ہمارے مذہب میں ممنوع ہے۔ اس نے مجھ سے پوچھا کہ کیوں ممنوع ہے، تو میں نے کہا کہ ہمارے نبی کریم صلی اللہ علیہ وسلم نے منع فرمایا ہے، اس نے مجھ سے دلیل پوچھی تو مجھے معلوم نہیں تھی۔ ویسے الحمد للہ ہم لوگ تو نبی کریم صلی اللہ علیہ وسلم کی بات کو عقیدت کے ساتھ مان لیتے ہیں، لیکن اس کے دلیل پوچھنے کی وجہ سے میرے ذہن میں بھی یہی بات آئی، کیوں کہ اللہ او رنبی کریم صلی اللہ علیہ وسلم کسی بھی چیز کو جائز یا ناجائز قرار دیں تو اس کے پیچھے کوئی دلیل ضرور ہوتی ہے۔ تو میرا سوال ہے کہ سونا منع کرنے کی کیا حکمت ہے،اردو میں حدیث بتائیے گا، تاکہ میں اپنے دوست کو صحیح وضاحت کرسکوں، اور میری کوشش ہے کہ میں اس کو ان شاء اللہ مسلمان کروں گا۔ آپ کی دعا چاہیے۔

میری عمر تیس سال ہے غیر شادی شدہ ہوں۔ میری داڑھی کے بال وقت سے پہلے سفید ہورہے ہیں ڈاکٹر کہتے ہیں کہ اس پر کوئی خاص علاج نہیں ہے سوائے ہئر ڈائنگ کے۔ابھی میری داڑھی ایک مشت سے کم ہے۔ اور یہ مسئلہ مجھے ذہنی طور پر بہت زیادہ پریشان کررہا ہے کیا مجھے اسے بڑی رکھنی چاہیے؟ کیا سنتوں کی تکمیل راحت کے ساتھ ہیں (حوالہ الرسالہ اگست 2008صفحہ نمبر 8) ایک حدیث میں نے سنی تھی جس میں حضور صلی اللہ علیہ وسلم نے فرمایا کہ لنگی ٹخنوں کے اوپر پہنا کرو نیچے پہننا متکبرین کی علامت ہے۔ اس پر ایک دفعہ حضرت ابو بکر رضی اللہ تعالی عنہ نے گھسٹنے والا کپڑا پہنا جو بار بارٹخنوں کے نیچے جاتا تھا اور آپ رضی اللہ تعالی عنہ اس کو اوپر کرتے تھے۔ ان کا یہ عمل دیکھ کر حضور صلی اللہ علیہ وسلم نے فرمایا کہ ایسا مت کرو تم متکبرین میں سے نہیں ہو۔ تو کیا میں اس حدیث پر سے اجتہاد کر کے کچھ سال کے لیے شادی کیبعد تک داڑھی نہ رکھوں؟