• معاشرت >> لباس و وضع قطع

    سوال نمبر: 46176

    عنوان: بھنویں بنانا

    سوال: ایک لڑکی جس کا رشتہ اس کے چچا کے بیٹے سے ہوگیا ہے جب کہ وہ لڑکا اس رشتہ سے راضی نہیں ہے، کیوں کہ وہ اپنی چاچی کی بیٹی کو پسند کرتاہے، رشتہ اب تک قائم ہے ، لیکن لڑکا ذہنی طورپر تیار نہیں ہے۔ اب وہ لڑکا لڑکی شادی کے موقع پر ایک دوسرے کے سامنے آئیں گے جیسا کہ یہ مستحب ہے ایک دوسرے کو دیکھیں گے تو اس صورت میں لڑکی اپنے حسن میں اضافہ کرنے کے لئے بھوئیں بنواسکتی ہے یا نہیں؟ جب کہ اس کی بھوئیں اتنی گھنی نہیں ہیں کہ بری لگیں۔ جواب عنایت فرمائیں ۔

    جواب نمبر: 46176

    بسم الله الرحمن الرحيم

    فتوی: 1064-689/L=8/1434 مذکورہ بالا صورت میں اگر بھویں اتنی گھنی نہیں ہیں کہ بری لگیں تو ان کو بنوانے کی ضرورت نہیں، حدیث شریف میں اس پر وعید آئی ہے۔


    واللہ تعالیٰ اعلم


    دارالافتاء،
    دارالعلوم دیوبند