معاشرت >> لباس و وضع قطع
سوال نمبر: 3113
ایک غیر مسلم نے مجھ سے سوال کیاہے کہ عورت کے لیے مرد کی تقلید کرنا اور مرد کے لیے عورت کی تقلید کرنا ممنوع ہے، لیکن حضرت محمد (صلی اللہ علیہ وسلم ) لمبی زلف رکھتے تھے تو اس کے پیچھے کیا حکمت ہے؟ کیا یہ زنانہ اسٹائل کے تقلید کے زمرے میں نہیں آتاہے؟ براہ کرم، اس کا جواب دیں تاکہ میں اس کو مطمئن کرسکوں۔ میں یہ کہنا چاہوں گا کہ میں اس پر ایمان رکھتاہوں کہ آپ صلی اللہ علیہ وسلم کا کوئی بھی قدم قابل اعتر اض نہیں ہے۔
جواب نمبر: 3113
بسم الله الرحمن الرحيم
فتوی: 189/ ب= 184/ ب
یہ زنانہ اسٹائل کی تقلید نہیں بلکہ مردانہ اسٹائل کی تقلید خود عورتوں نے کررکھی ہے، جب کہ اللہ کے رسول صلی اللہ علیہ وسلم نے عورتوں کو مردوں کی مشابہت اختیار کرنے پر لعنت فرمائی ہے۔ آپ صلی اللہ علیہ وسلم نے تو صرف تین طرح کے بال رکھے ہیں: وفرہ لمہ، جمہ۔ کان کی لو تک گردن تک کندھے تک۔ ان تینوں قسم کے بالوں میں کسی زنانہ اسٹائل کی تقلید نہیں۔
واللہ تعالیٰ اعلم
دارالافتاء،
دارالعلوم دیوبند