عنوان:

آپ سے معلوم یہ کرنا ہے کہ میرے ایک جاننے والے کی پولٹری فارم پر کام کرنے والے ایک شخص سے بات چیت ہے وہ ان کو روزانہ انڈے کی ایک یا دوپیٹی مارکیٹ سے کم دام پر دے جاتا ہے۔یعنی مثلاً مارکیٹ میں ایک سو پینتالیس روپیہ ہے تو وہ شخص ان کو ایک سو بیس روپیہ کے حساب سے دیتاہے۔میں نے ان سے کہا آپ مجھ کو دے دو میں آگے سپلائی کرتا ہوں۔ وہ مجھے دینے لگے اور میں سپلائی کرنے لگا۔ایک بات میں آ پ کو بتاتا چلوں کہ میں چھ یا سات ماہ سے بے روزگار ہوں اور میرے پاس اگلے دن کھانے کے بھی پیسے نہیں ہوتے اور میں شادی شدہ بھی ہوں یعنی حالات بہت زیادہ خراب ہوتے ہیں۔جب میں نے انڈوں سے متعلق ان سے بعد میں معلومات لی کہ ان کو اتنے کم دام میں انڈے کیسے ملتے ہیں تو یہ بات سامنے آئی کہ وہ کام کرنے والے وہاں سے چوری کرکے دیتے ہیں۔ اب آپ سے یہ معلوم کرنا ہے کہ یہ کام میں کرسکتا ہوں یا نہیں،جب کہ میرے حالات بھی اتنے خراب ہیں؟برائے مہربانی شریعت کے حساب سے میری رہنمائی فرماویں۔

سوال:

آپ سے معلوم یہ کرنا ہے کہ میرے ایک جاننے والے کی پولٹری فارم پر کام کرنے والے ایک شخص سے بات چیت ہے وہ ان کو روزانہ انڈے کی ایک یا دوپیٹی مارکیٹ سے کم دام پر دے جاتا ہے۔یعنی مثلاً مارکیٹ میں ایک سو پینتالیس روپیہ ہے تو وہ شخص ان کو ایک سو بیس روپیہ کے حساب سے دیتاہے۔میں نے ان سے کہا آپ مجھ کو دے دو میں آگے سپلائی کرتا ہوں۔ وہ مجھے دینے لگے اور میں سپلائی کرنے لگا۔ایک بات میں آ پ کو بتاتا چلوں کہ میں چھ یا سات ماہ سے بے روزگار ہوں اور میرے پاس اگلے دن کھانے کے بھی پیسے نہیں ہوتے اور میں شادی شدہ بھی ہوں یعنی حالات بہت زیادہ خراب ہوتے ہیں۔جب میں نے انڈوں سے متعلق ان سے بعد میں معلومات لی کہ ان کو اتنے کم دام میں انڈے کیسے ملتے ہیں تو یہ بات سامنے آئی کہ وہ کام کرنے والے وہاں سے چوری کرکے دیتے ہیں۔ اب آپ سے یہ معلوم کرنا ہے کہ یہ کام میں کرسکتا ہوں یا نہیں،جب کہ میرے حالات بھی اتنے خراب ہیں؟برائے مہربانی شریعت کے حساب سے میری رہنمائی فرماویں۔

جواب نمبر: 894801-Sep-2020 : تاریخ اشاعت

بسم الله الرحمن الرحيم

فتوی: 2059=1891/د

جب آپ کو معلوم ہوگیا کہ وہ شخص چوری کرکے انڈے کی پیٹی لاتا ہے تو آپ کے لیے اس سے خریدنا جائز نہیں ہے۔ آپ اس طرح کی خریداری بند کردیں۔ حلال رزق میں اللہ تعالیٰ نے برکت رکھی ہے، لہٰذا حلال و پاکیزہ ذریعہ معاش اختیار کرنے کی کوشش کریں۔ معاشی حالت خراب ہونے سے چوری کرنا یا چوری کا مال خریدنا جائز نہ ہوگا۔