معاملات >> بیع و تجارت
سوال نمبر: 605367
آن لائن بزنس كرنا ٹھیك ہے یا نہیں؟
میرا سوال یہ ہے کہ آن لائن بزنس کرنا اسلام میں جائز ہے؟ اور کن وجوہات کی بنا پہ آن لائن بزنس حرام ہوجاتاہے؟
جواب نمبر: 605367
بسم الله الرحمن الرحيم
Fatwa:1084-852/L=11/1442
جائز تجارت آن لائن بھی کی جاسکتی ہے ؛ البتہ جب تک خریدار یا اس کے وکیل کا سامان پرقبضہ نہ ہوجائے اس وقت تک سامان کو آگے فروخت کرنا جائز نہ ہوگا، اس کے علاوہ آن لائن میں جو فرضی تجارت ہوتی ہے جس میں مبیع کا وجود نہیں اور نہ ہی مشتری اس پر قبضہ کرتا ہے ایسی تجارت جائز نہیں ۔ آن لائن تجارت کے بارے میں اس کے علاوہ اگر کوئی سوال کرنا ہوتو اس کی پوری تفصیل لکھ کر سوال کریں پھر ان شاء اللہ جواب دیا جائے گا
واللہ تعالیٰ اعلم
دارالافتاء،
دارالعلوم دیوبند