• معاملات >> بیع و تجارت

    سوال نمبر: 605282

    عنوان:

    پیکج خرید کر آن لائن کمانا

    سوال:

    کیا فرماتے ہیں مفتیان کرام مسئلہ ذیل کے بارے میں کہ گورنمنٹ کی طرف سے ایک اسکیم نکلی ہے جس میں ہمیں لنک بھیجی جاتی ہے اس لنک کو کھولتے ہی اپنی ڈیٹیلس ڈالنے کے بعد مختلف قسم کے پیکیج آتے ہیں مثلاً اگر کوئی چار ہزار روپے کا پیکیج مارتا ہے تو اسے ہر دن ایک سو ستر روپے تین ماہ تک ملتے ہیں اور گورنمنٹ آٹھ فیصد ٹیکس بھی کٹ کر لیتی ہے اور اس لگائی ہوئی رقم کو سولار سسٹم میں انویسٹ کر کے ہر ایک کو منافع دیا جاتاہے تو از روئے شرع اس میں رقم لگانا کیسا ہے ؟جواب مرحمت فرما کر شکریہ کا موقع دیں۔

    جواب نمبر: 605282

    بسم الله الرحمن الرحيم

    Fatwa:926-644/SN=12/1442

     مذکور فی السوال پیکج خرید کر نفع کمانا شرعا جائز نہیں ہے ، اس میں متعدد شرعی قباحتیں ہیں،جن میں سے اہم یہ ہے کہ اس میں ”قمار“ (جوا) کا معنی پایاجاتا ہے یعنی پیکج کی خریداری میں جو رقم خرچ کی جاتی ہے ہ داؤ پے رہتی ہے ، اگر کام نہیں کیا تو پوری یا اس کا کچھ نہ کچھ حصہ ضائع جاسکتا ہے ، اگر کام کیا تو زائد رقم بھی آسکتی ہے ، یہی قمار کی حقیقت ہے ۔

    (القمار) تعلیق الملک علی الخطر والمال فی الجانبین.(دیکھیں: البحرالرائق ۵۵۴/۸، مسائل فی المسابقة والقمار، والاختیار فی تعلیل المختار ،۴۵/۳، فصل العمری والرقبی، وقواعد الفقہ)


    واللہ تعالیٰ اعلم


    دارالافتاء،
    دارالعلوم دیوبند