معاملات >> بیع و تجارت
سوال نمبر: 602263
الكحل ملے عطر كی تجارت كرنا كیسا ہے؟
ایسے عطر کی تجارت جس میں الکحل ملا ہؤا ہو کرنا کیسا ہے ؟ جزاک اللہ
جواب نمبر: 602263
بسم الله الرحمن الرحيم
Fatwa:433-337/sd=7/1442
جس عطر میں الکحل ملا ہوا ہو، اس کی تجارت کی گنجائش ہے ؛ اس لیے کہ آج کل عطر میں جو الکحل استعمال کیا جاتا ہے ، وہ عام طور پر کھجور، انگور، کشمش اور منقی سے تیار شدہ نہیں ہوتا اور ایسا الکوحل حضرت امام ابوحنیفہ کے نزدیک حرام وناپاک نہیں ہے ۔ تکملہ فتح الملہم میں ہے :
وإن معظم الکحول التی تستعمل الیوم فی الأدویة والعطور وغیرہا لا تتخذ من العنب أو التمر؛ إنما تتخذ من الحبوب أو القشور أو البترول وغیرہ وحینئذ ہناک فسحة فی الأخذ بقول أبی حنیفة عند عموم البلوٰی (تکملة فتح الملہم: ۳۴۳/۹، کتاب الاشربة، حکم الکحول المسکرة، ط: اشرفی دیوبند،اختری بہشتی زیور:۱۰۲/۱)۔
واللہ تعالیٰ اعلم
دارالافتاء،
دارالعلوم دیوبند